ԲԱՔՎՈՒՆ COP29-Ի ՀԱՄԱՁԱՅՆԱԳԻՐՆ ԸՆԴՈՒՆՎԵՑ. ՀԱՄԱԺՈՂՈՎՈՒՄ ԵՐԿՐՆԵՐԸ ՀԱՄԱՁԱՅՆԵԼ ԵՆ ՏԱՐԵԿԱՆ 300 ՄԻԼԻԱՐԴ ԴՈԼԱՐ ՏՐԱՄԱԴՐԵԼ՝ ՕԳՆԵԼՈՒ ԶԱՐԳԱՑՈՂ ԵՐԿՐՆԵՐԻՆ ԴԻՄԱԿԱՅԵԼ ԿԼԻՄԱՅԻ ՓՈՓՈԽՈՒԹՅՈՒՆՆԵՐԻՆ
Բաքվուն COP29 համաժողովում երկրները համաձայնել են տարեկան 300 միլիարդ դոլար տրամադրել՝ օգնելու զարգացող երկրներին դիմակայել կլիմայի փոփոխություններին։Երկարատև բանակցություններից հետո ստացված գործարքին որոշ պատվիրակներ հոտնկայս ծափահարել են հենց COP29-ի լիագումար նիստի դահլիճում: Մյուսները քննադատել են հարուստ երկրներին ավելին չանելու համար։
ՄԱԿ-ի կլիմայի ղեկավար Սայմոն Սթիլը խոստովանել է, որ բանակցությունները բավականին դժվար են եղել։
«Բայց, մենք ավարտեցինք», - ասել է Ստիլը, - «Այս գործարքը կաջակցի մաքուր էներգիայի աճին և կպաշտպանի միլիարդավոր կյանքեր»:
Համաձայնագիրը նախատեսում է տարեկան 300 միլիարդ դոլարի ֆինանսավորում մինչև 2035 թվականը՝ հիմնվելով հարուստ երկրների նախկին պարտավորությունների վրա:
Բանակցությունները պետք է ավարտվեին ուրբաթ օրը, սակայն ձգձգվեցին, քանի որ գրեթե 200 երկրների ներկայացուցիչները չէին կարողանում կոնսենսուսի հասնել: