ՀԱՅԵՐԸ ՀԱՅԱՍՏԱՆՈՒՄ 2050-ԻՆ ԿԴԱՌՆԱՆ ՍՓՅՈՒՌՔ, ՓՈՔՐԱՄԱՍՆՈՒԹՅՈՒՆ ԿԼԻՆԵՆՔ․ ԱՐՏԱՇԵՍ ԱԼԵՔՍԱՆՅԱՆ
Հայերը Հայաստանում 2050-ին կդառնան սփյուռք, փոքրամասնություն կլինենք:«Կիզակետում Արկադի Գրիգորյանի հետ» հաղորդման ժամանակ ասել է ՀՀ վաստակավոր արտիստ Արտաշես Ալեքսանյանը․
«Փաշինյանն ասում էր, որ 2050 թվականին 10, թե 30 միլիոն բնակիչ պետք է լինի Հայաստանում։ Արդյո՞ք խոսքը հայերի մասին էր։ Այսօր էլ արդեն տասնյակ հազարներով օտարազգիներ են բնակվում Հայաստանում։ Հաշվի առնելով Ալիևի հայտարարությունները ադրբեջանցիներին Հայաստան վերադարձնելու մասին, կարելի է ենթադրել, թե ինչ է մեզ սպասվում։
Ինչ վերաբերում է երկրում ստեղծված իրավիճակին ու մտավորականության անտարբերությանը, ապա այսօր ստիպեցին, որ մարդը զբաղվի միայն ստամոքսով, մտածի միայն ստամոքսի մասին։ Պապենական խոսք կա՝ առաջ որդուս, հետո մորթուս։ Հիմա բոլորն անխտիր մորթու մասին են մտածում։ Մշակույթի գործիչները, արվեստագետները, ամեն մեկը մի տաքուկ տեղ գտել, նստել է»,- նշել է Ալեքսանյանը։