ՄԱՐԻԱ ԶԱԽԱՐՈՎԱ. ՀԱՅԱՍՏԱՆԸ ՍԵՓԱԿԱՆ ՍԽԱԼՆԵՐԻ, ՍԵՓԱԿԱՆ ՌԱԶՄԱՎԱՐԱԿԱՆ ՍԽԱԼ ՀԱՇՎԱՐԿՆԵՐԻ ՄԵՂՔԸ ՓՈՐՁՈՒՄ Է ԲԱՐԴԵԼ ՌՈՒՍԱՍՏԱՆԻ ՎՐԱ
Երևանի արձագանքը ՌԴ ԱԳ նախարար Սերգեյ Լավրովի՝ եռակողմ պայմանավորվածությունների կատարման մասին հայտարարությանը հուշում է, որ Հայաստանը սեփական սխալների և ռազմավարական սխալ հաշվարկների համար փորձում է մեղադրել Ռուսաստանին, այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։Անցած օրերին Բաքվում նախարար Լավրովը Հայաստանի իշխանություններին մեղադրել էր Զանգիլանի մարզով անցնող ճանապարհի շուրջ պայմանավորվածությունները սաբոտաժի ենթարկելու մեջ։
«Սա պաշտոնական Երևանի հերթական օրինակն է՝ սեփական սխալների, սեփական ռազմավարական սխալ հաշվարկների մեղքը ուրիշների վրա բարդելու՝ մասնավորապես տվյալ դեպքում ՝ Ռուսաստանի վրա», - հայտարարել է ռուսաստանցի դիվանագետը։