ԲԱՅՐԱՄՈՎ. ՀԱՅԱՍՏԱՆԻ ԱՃՈՂ ՌԱԶՄԱԿԱՆԱՑՈՒՄԸ, ՇԱՐՈՒՆԱԿՈՒՄ ԵՆ ԱՆՀԱՆԳՍՏՈՒԹՅԱՆ ԱՂԲՅՈՒՐ ԼԻՆԵԼ
Հուլիսի 13-ին Ադրբեջանի ԱԳ նախարար Ջեյհուն Բայրամովը Ադրբեջանում հանդիպել է ԵԱՀԿ գլխավոր քարտուղար Հելգա Շմիդի հետ։Հանդիպմանը քննարկվել են Ադրբեջանի և ԵԱՀԿ-ի միջև համագործակցության հեռանկարները, տարածաշրջանային և միջազգային անվտանգության հարցեր, տարածաշրջանային համագործակցության հնարավորությունները։
Ջեյհուն Բայրամովը հյուրին մանրամասն տեղեկացրել է հետկոնֆլիկտային շրջանում տարածաշրջանային իրավիճակի, վերականգնողական աշխատանքների և Ադրբեջանի խաղաղության օրակարգի, առկա սպառնալիքների և մարտահրավերների մասին։ Նա հայտարարել է, որ Հայաստանի կողմից տեղադրված ականները շարունակում են խոչընդոտել մեր քաղաքացիների վերադարձին ազատագրված տարածքներ, ինչպես նաև լայնածավալ վերականգնողական և շինարարական աշխատանքների իրականացմանը։
Նախարարը Հելգա Շմիդին տեղեկացրել է նաև Ադրբեջանի և Հայաստանի միջև հարաբերությունների կարգավորման գործընթացում ընթացիկ իրավիճակի, խաղաղ գործընթացում առաջընթացի մասին։ Միաժամանակ նա հավելել է, որ անընդունելի են Ադրբեջանի նկատմամբ տարածքային պահանջները, որոնք արտացոլված են Հայաստանի գործող Սահմանադրության մեջ։ Ջեյհուն Բայրամովն ասել է, որ քայլերը, որոնք սպառնում են խաղաղության օրակարգի առաջխաղացմանը, մասնավորապես Հայաստանի աճող ռազմականացումը, շարունակում են անհանգստության աղբյուր լինել։