ԹՈՒՐՔԻԱՆ ՉԻ ՑԱՆԿԱՆՈՒՄ, ՈՐ ՏԱՐԱԾԱՇՐՋԱՆՈՒՄ ԼԱՐՎԱԾՈՒԹՅՈՒՆՆ ՈՒԺԵՂԱՆԱ
Թուրքիայի արտգործնախարար Հաքան Ֆիդանը հեռախոսազրույց է ունեցել Իրանի արտգործնախարար Հուսեյն Ամիր Աբդուլլահյանի հետ։Այս մասին հայտնել են Թուրքիայի ԱԳՆ դիվանագիտական աղբյուրները։
Զրույցի ընթացքում Հաքան Ֆիդանը հայտարարել է, որ Թուրքիան չի ցանկանում, որ տարածաշրջանում լարվածությունն ուժեղանա Իսրայելի դեմ Իրանի գործողությունից հետո և ցանկանում է վերջ դնել լարվածության աճին նպաստող քայլերին:
Իրանի ԱԳ նախարարն իր հերթին հայտարարել է, որ Իսրայելի դեմ պատասխան գործողությունն ավարտվել է, և որ Իրանը նոր գործողություն չի սկսի, եթե նրա վրա չհարձակվեն:
Նա հավելել է, որ եթե Իրանը կրկին հարձակման ենթարկվի, ապա այս անգամ ավելի կոշտ պատասխան կտա: