ԱՄՆ ՊԱՏՐԱՍՏ Է ՑԱՆԿԱՑԱԾ ՀՆԱՐԱՎՈՐ ԴԵՐ ԽԱՂԱԼ ՀԱՅԱՍՏԱՆԻ ԵՎ ԱԴՐԲԵՋԱՆԻ ՄԻՋԵՎ ԵՐԿԽՈՍՈՒԹՅՈՒՆԸ ՀԵՇՏԱՑՆԵԼՈՒ ԳՈՐԾՈՒՄ
Միացյալ Նահանգները պատրաստ է ցանկացած հնարավոր դեր խաղալ Հայաստանի և Ադրբեջանի միջև երկխոսությունը հեշտացնելու գործում։Այս մասին ճեպազրույցում ասել է ԱՄՆ պետքարտուղարության խոսնակ Մեթյու Միլլերը։
Նա ասել է, որ այս հարցի լուծման ճանապարհը, ի վերջո, գտնվում է բանակցությունների սեղանի շուրջ։
«Մենք ուրախ ենք ցանկացած դեր խաղալ այս երկխոսության դյուրացման գործում և կշարունակենք դա անել», - հավելել է Միլլերը: