ԲԱՅՐԱՄՈՎՆ ՈՒ ՄԻՐԶՈՅԱՆԸ ՔՆՆԱՐԿԵԼ ԵՆ ԵՐԿԿՈՂՄ ՀԱՄԱՁԱՅՆԱԳՐԻ ՆԱԽԱԳԾԻ ԿԵՏԵՐԸ
Փետրվարի 28-29-ը Բեռլինի Բորզիգ վիլլայում բանակցություններ են տեղի ունեցել Ադրբեջանի և Հայաստանի արտաքին գործերի նախարարներ Ջեյհուն Բայրամովի և Արարատ Միրզոյանի միջև։Ինչպես հայտնել են ԱԳՆ-ից, բանակցություններում քննարկվել են երկրների դիրքորոշումները «Խաղաղության և միջպետական հարաբերությունների հաստատման մասին երկկողմ համաձայնագրի» նախագծի կետերի վերաբերյալ։
Նշվել է որոշ առանցքային հարցերի շուրջ աշխատանքի շարունակման անհրաժեշտությունը։
Այցի շրջանակներում Ջեյհուն Բայրամովը և Արարատ Միրզոյանը հանդիպել են Գերմանիայի արտաքին գործերի նախարար Աննալենա Բարբոքի հետ։ Ջեյհուն Բայրամովը շնորհակալություն է հայտնել գերմանական կողմին՝ Ադրբեջանի և Հայաստանի միջև բանակցություններ կազմակերպելու համար։