ԵՐԲԵՔ ԽԱՂԱՂՈՒԹՅՈՒՆ ՉԵՆՔ ՈՒՆԵՆԱ, ԵԹԵ ԱՆԿԱԽՈՒԹՅԱՆ ՀՌՉԱԿԱԳՐՈՒՄ ԼՂ-Ի ԵՎ ՀՀ-Ի ՎԵՐԱՄԻԱՎՈՐՄԱՆ ՈՐՈՇՈՒՄ ԼԻՆԻ. ՓԱՇԻՆՅԱՆ
Վարչապետ Փաշինյանը «Հանրային ռադիոյին» տված հարզացրույցում անդրադարձավ նաև ՀՀ ազգային օրհներգը փոխելու անհրաժեշտությանը:«Մեր հիմնը ամենակարևոր տեքստն է, որը մենք կարող ենք և պետք է ունենանք։ Մեր հիմնի մեջ կա թշնամի բառը։
Ի՞նչ է նշանակում, որ թշնամու ընկալումը մեր աշխարհընկալման կարևոր մասն է։ Ինչ անում, չենք անում, մեր թշնամին միշտ ներկա է»,- նշեց Փաշինյանը։
Բացի այդ, Փաշինյանն արձանագրեց, որ Ադրբեջանում ձևավորվող գիտակցության 90 տոկոսը լրացնում են հայերը:
Փաշինյանի՝ համոզմամբ՝ Հայաստանն ազդում է ադրբեջանցիների ընկալումների վրա։
«Ինչո՞ւ մյուս հարևանների տեսանկյունից չենք նայում. Փաշինյանը՝ Անկախության հռչակագրի դրույթների մասին:
Ինչպե՞ս է մեր միջավայրը ընկալում մեր ուղերձները։ Մենք անընդհատ ասում ենք՝ Ադրբեջանը, Թուրքիան ինչպես են ընկալում, իսկ Վրաստա՞նը։ Հարց չենք տալիս, թե ինչու Վրաստանը պաշտպանական ոլորտում խորը հարաբերություններ ունի Ադրբեջանի և Թուրքիայի հետ, բայց ոչ Հայաստանի»,- ասաց կառավարության ղեկավարը:
Ըստ Փաշինյանի՝ երբեք խաղաղություն չենք ունենա, եթե Անկախության հռչակագրում ԼՂ-ի և ՀՀ-ի վերամիավորման որոշում լինի: