ԲԱՔՈՒՆ ՈՒ ԹԵՀՐԱՆԸ ԱԴՐԲԵՋԱՆՆ ՈՒ ԻՐԱՆԸ ՄԻԱՑՆՈՂ ԿԱՄՈՒՐՋ ԵՆ ԿԱՌՈՒՑՈՒՄ ԱՐԱԶ ԳԵՏԻ ՎՐԱ
Զանգիլանի շրջանի Աղբանդ գյուղում տեղի է ունեցել Արազ գետի վրայով Ադրբեջանից Իրան տանող ճանապարհային կամրջի հիմնարկեքի արարողությունը։Նախագիծն իրականացվում է երկու երկրների պետական միջոցներով։ Կամրջի կառուցմանը զուգահեռ կստեղծվեն սահմանային և մաքսային ենթակառուցվածքներ։
Հիմնարկեքի արարողությանը մասնակցել են երկու երկրների պաշտոնյաներ՝ Ադրբեջանի փոխվարչապետ Շահին Մուստաֆաևի, Իրանի ճանապարհների և քաղաքաշինության նախարար Մեհրդադ Բազրփաշի գլխավորությամբ։
Նրանք իրենց ելույթներում նշել են, որ ստեղծված ավտոմոբիլային և սահմանային-մաքսային ենթակառուցվածքները կծառայեն բեռնափոխադրումների ավելացմանը և Նախջըվանի ինքնավար հանրապետություն մուտքն ու ելքը դյուրացնելուն։