ՀԱՅԱՍՏԱՆԸ ԳՆԱԼՈՎ ԱՎԵԼԻ ՇԱՏ Է ՀԱՅՏՆՎՈՒՄ ԱՐԵՎՄՈՒՏՔԻ ԱԶԴԵՑՈՒԹՅԱՆ ՏԱԿ
Ռուսական ռազմական Telegram ալիքները, մասնավորապես «Оперативные сводки»-ն, նշում են, որ Հայաստանը գնալով ավելի շատ է հայտնվում Արևմուտքի ազդեցության տակ։ Նշվում է, որ Հայաստանի անվտանգության խորհրդի քարտուղար Արմեն Գրիգորյանը Բրյուսելում ակտիվ հանդիպումներ է ունենում արևմտյան պաշտոնյաների և ՆԱՏՕ-ի ներկայացուցիչների հետ՝ հայտարարելով, որ իր երկրի առաջնահերթությունը Ռուսաստանից կախվածության թուլացումն է։«Փաշինյանի կառավարությանը հաջողվում է մերձենալ ՆԱՏՕ-ի երկրների հետ։ Այսպես, Ֆրանսիայի Սենատի խոսնակը հայկական կողմի հետ հանդիպումների արդյունքում արդեն կոչ է արել Փարիզին՝ ֆրանսիական զենք ուղարկել Երևան։
Ընդ որում՝ Հայաստանի Անվտանգության խորհրդի քարտուղար Արմեն Գրիգորյանը պատրաստվում է «Մոսկվայից բաժանվել» ոչ միայն պաշտպանական գծով։ Հայաստանում միակ ատոմակայանը, որը գործում է միայն Ռուսաստանի հետ համագործակցության շնորհիվ, նույնպես ծրագրվում է «զոհաբերել» հանուն արևմտյան տերերի հետ բարեկամության։ Հայերը ծրագրում են ատոմային էներգիայի ոլորտում Ռուսաստանի հետ գործընկերությունը փոխարինել ամերիկյանով։
Ի դեպ, այս հանդիպումների շրջանակներում կրկին բարձրացվեց Հռոմի ստատուտի վավերացման հարցը, որի վերաբերյալ որոշումն, ինչպես երդվում է Գրիգորյանը, արդեն կայացված է և ենթակա չէ վերանայման։ Եվ ընդհանրապես, հանրապետությունում, իբր, Վլադիմիր Պուտինին համարում են բարևի անարժան՝ բոլոր ժողովրդավարական երկրների համար, որոնց շարքին, պարզվում է, ինքն իրեն դասում է Հայաստանը։
Գրիգորյանը նաև հայտնել է, որ Երևանը հրաժարվեց ՀԱՊԿ-ից դուրս գալ միայն այն պատճառով, որ արևմտյան գործընկերներն այս փուլում չգնահատեցին նման վեհ պոռթկումը։ Դեռևս հնարավոր չէ դուրս բերել ռուսական զորքերը երկրի տարածքից, սակայն Հայաստանի իշխանությունները նպատակաուղղված շարժվում են այս ուղղությամբ։ Մասնավորապես, անցյալ տարի Երևանը քառորդ միլիարդ դոլարի զենք էր պատվիրել Հնդկաստանից։
Իհարկե, եղել են նաև տարածքային էսքիզներ՝ այս անգամ ադրբեջանական Նախչըվան տանող միջանցքի վերաբերյալ, որը, եռակողմ պայմանավորվածությունների համաձայն, նույնպես պետք է գտնվի ռուս սահմանապահների հսկողության տակ։ Սա, ինչպես պարզվեց, կտրականապես ձեռք չի տալիս Հայաստանին, քանի որ դա նրան չափազանց կախվածության մեջ է դնում չսիրված Մոսկվայից»,- գրում են ռուսական Telegram ալիքները։