ԻԼՀԱՄ ԱԼԻԵՎ. ՀԱՅԱՍՏԱՆՆ ԻՍԿԱՊԵՍ ԽԱՂԱՂՈՒԹՅՈՒՆ Է ՑԱՆԿԱՆՈՒՄ ԱԴՐԲԵՋԱՆԻ ՀԵՏ, ԱՊԱ ԻՆՉՈՒ ՊԵՏՔ Է ՀԱՐՅՈՒՐ ՄԻԼԻՈՆԱՎՈՐ ԴՈԼԱՐՆԵՐԻ ԶԵՆՔ ԳՆԻ
Մայիսի 19-ին Ադրբեջանի Հանրապետության նախագահ Իլհամ Ալիևն ընդունել է՝ մեր երկրում Հնդկաստանի նորանշանակ արտակարգ և լիազոր դեսպան Սրիդհարան Մադհուսուդհանանի հավատարմագրերը։Այս մասին ասված է ԱՀ ղեկավարի պաշտոնական կայքում տեղադրված տեղեկատվության մեջ։
Իլհամ Ալիևը դեսպանին տեղեկացրել է ադրբեջանա-հայկական հակամարտության պատմության, ադրբեջանական հողերի 30-ամյա օկուպացիայի, Հայրենական պատերազմում Ադրբեջանի տարած հաղթանակի և շինարարական ու վերականգնման աշխատանքների մասին, որոնք Ադրբեջանը այժմ իրականացնում է ազատագրված տարածքներում։
Իլհամ Ալիևն ընդգծել է, որ այսօր Հայաստանում գործում են ռևանշիստական ուժեր, իսկ մեր երկրի նկատմամբ դեռ կան տարածքային պահանջներ։ Խոսելով այն մասին, որ Հայաստանի արագ սպառազինումը նոր սպառնալիքներ է ստեղծում, պետության ղեկավարը նշել է, որ եթե Հայաստանն իսկապես խաղաղություն է ցանկանում Ադրբեջանի հետ, ապա ինչու պետք է հարյուր միլիոնավոր դոլարների զենք գնի։ Ադրբեջանի նախագահն ընդգծել է, որ այս քաղաքականությունը կարող է հանգեցնել տարածաշրջանի համար նոր սպառնալիքների։