ՀԱՅԱՍՏԱՆԸ ՄԻՏՈՒՄՆԱՎՈՐ ՄԵԾԱՑՆՈՒՄ Է ԼԱՐՎԱԾՈՒԹՅՈՒՆԸ ՏԱՐԱԾԱՇՐՋԱՆՈՒՄ
Միլլի Մեջլիսի նախագահ Սահիբա Գաֆարովան Անկախ Պետությունների Համագործակցության մասնակից պետությունների միջխորհրդարանական վեհաժողովի (ԱՊՀ ՄԽՎ) նիստում խոսել է Հայաստանի ռազմաքաղաքական սադրանքների մասին։Սահիբա Գաֆարովան իր ելույթում հանգամանորեն խոսել է Հայաստանի կողմից ձեռնարկվող սադրանքների մասին։
Նրա խոսքով, ակնհայտ է, որ Հայաստանը չարաշահում է ԵՄ առաքելության ներկայությունն այդ երկրում և միտումնավոր մեծացնում է լարվածությունը տարածաշրջանում. «Հայաստանի Զինված ուժերը և հայկական անօրինական զինված կազմավորումները շարունակում են խախտել հրադադարի ռեժիմը ադրբեջանա-հայկական սահմանի երկայնքով և ռուսական խաղաղապահ զորախմբի ժամանակավոր վերահսկողության տակ գտնվող տարածքներում, ինչը հանգեցնում է մարդկային կորուստների»։
Խորհրդարանի նախագահը նշել է, որ երեք օր առաջ Հայաստանը սահմանին հերթական ռազմական սադրանքն է իրականացրել, որի արդյունքում երեք ադրբեջանցի զինծառայող է զոհվել։
Սահիբա Գաֆարովան հավելել է, որ մի քանի օր առաջ Հայաստանը ձերբակալել է սահմանին անհայտ կորած երկու ադրբեջանցի զինծառայողի. «Սոցցանցերում տարածվել են ադրբեջանցի զինծառայողների նկատմամբ դաժան վերաբերմունքի կադրեր։ Միջազգային կազմակերպությունները պետք է հետաքննեն այս փաստը և պատշաճ գնահատական տան դրան»։