ՓԱՐՎԻԶ ՇԱՀԲԱԶՈՎ. ՂԱՐԱԲԱՂԻ ԵՎ ԱՐԵՎԵԼՅԱՆ ԶԱՆԳԵԶՈՒՐԻ ՈՂՋ ՏԱՐԱԾՔՆ ԱՊԱՀՈՎՎԱԾ Է ԷԼԵԿՏՐԱՀԱՂՈՐԴՄԱՆ ԳԾԵՐՈՎ
Ղարաբաղի և Արևելյան Զանգեզուրի ողջ տարածքն ապահովված է էլեկտրահաղորդման գծերով։Այդ մասին շաբաթ օրը Շուշայում ասել է Ադրբեջանի էներգետիկայի նախարար Փարվիզ Շահբազովը՝ Բաքվի էներգետիկ շաբաթվա շրջանակներում՝ «Զրո արտանետումների ճանապարհ. Ազատագրված տարածքնեում կանաչ էներգետիկ ներուժի զարգացում» խորագրով հատուկ նիստի ժամանակ։
Նրա խոսքով, կարճ ժամանակում Ղարաբաղում կառուցվել է 20 մեգավատ հզորությամբ կայան։ Բացի այդ, վերականգնվել է 19 ենթակայան, կառուցվել է յոթ ենթակայան, կկառուցվի ևս ութը։
Նախարարը նշել է նաև, որ Ղարաբաղի ողջ տարածքն ապահովված է էլեկտրահաղորդման գծերով։
«Ցանկանում եմ նշել, որ արևային էներգիայի ներուժը Ղարաբաղում գնահատվում է 7,2 ՄԳՎ, հողմային էներգիան՝ երկու ՄԳՎ։ Ուզում եմ նաև ընդգծել, որ երկրի ջրային ռեսուրսների 25 տոկոսը գտնվում է այս տարածաշրջանում։ Այսօր մենք փաստաթղթեր կստորագրենք Մասդարի հետ՝ 4 մեգավատ հզորությամբ ենթակայանի կառուցման համար, իսկ bp-ի հետ` 230 մեգավատ»,- ասել է նախարարը։