ՀԻՔՄԵԹ ՀԱՋԻԵՎ. ԱԴՐԲԵՋԱՆԻ ԴԵՄ ԶՐՊԱՐՏՉԱԿԱՆ ԱՐՇԱՎՆԵՐԸ ՇԱՐՈՒՆԱԿՎՈՒՄ ԵՆ
«Ցավոք, այսօր էլ շարունակվում են զրպարտչական և կեղծ տեղեկատվական արշավները մեր երկրների դեմ»։Այս մասին ասել է Ադրբեջանի նախագահի օգնական Հիքմեթ Հաջիևը Ստամբուլում մամուլի և տեղեկատվության համար պատասխանատու նախարարների և Թուրքական պետությունների կազմակերպության բարձրաստիճան պաշտոնյաների 4-րդ նիստում:
Նրա խոսքով, Ադրբեջանը նման հարձակումների ենթարկվել է անկախության առաջին իսկ տարիներից. «Հատկապես 44-օրյա Ղարաբաղյան Երկրորդ պատերազմի ժամանակ մենք դեմ առ դեմ բախվեցինք հոգեբանական պատերազմի բոլոր տարրերին: Ինչպես մեր դիվանագետների, քաղաքական գործիչների, այնպես էլ ադրբեջանական ու թուրքական ԶԼՄ-ների համատեղ գործունեության արդյունքում մենք ճշմարտությունը հասցրինք աշխարհին»։