ՀԱԱԳԱՅԻ ԴԱՏԱՐԱՆԸ ԵՐԵՎԱՆԻՑ ՊԱՀԱՆՋԵՑ ԿԱՆԽԵԼ ՌԱՍԱՅԱԿԱՆ ԱՏԵԼՈՒԹՅԱՆ ՀՐԱՀՐՈՒՄՆ ՈՒ ՏԱՐԱԾՈՒՄԸ՝ ՈՒՂՂՎԱԾ ԷԹՆԻԿ ԱԴԲՐԵՋԱՆՑԻՆԵՐԻ ԴԵՄ
ՄԱԿ-ի Արդարադատության միջազգային դատարանը ներկայացրեց իր որոշումը՝ Հայաստանի և Ադրբեջանի հրատապ միջոց կիրառելու դիմումների վերաբերյալ։Հայաստանի պահանջներից մեկը գերիների անհապաղ ազատ արձակումն էր:
Թեև դատարանը նշեց, որ միջազգային հումանիտար իրավունքը սահմանում է, որ որևէ պետության կողմից ռազմական գործողությունների ժամանակ գերեվարված անձինք պետք է ազատ արձակվեն, այնուամենայնիվ դատարանը չհամարեց, որ «գերիներ կամ պահվող անձինք համարվող բոլոր մարդիկ պետք է հայրենադարձվեն», քանի որ Հայաստանը չի ներկայացրել ապացույցներ, որ այս մարդիկ շարունակում են պահվել Ադրբեջանում իրենց ազգության կամ ռասայական ծագման հիմքով։
Հայաստանի վերաբերյալ դատարանը որոշեց. «Հայաստանը իր ստանձնած պարտավորությունների համապատասխան պետք է բոլոր միջոցները ձեռնարկի՝ կանխելու ռասայական ատելության հրահրումն ու տարածումը, այդ թվում` իր տարածքում գործող կազմակերպությունների և անհատների կողմից՝ ուղղված էթնիկ ադբրեջանցիների դեմ»։