ԱԴՐԲԵՋԱՆԸ, ԹՈՒՐՔԻԱՆ ԵՎ ՊԱԿԻՍՏԱՆԸ ՍՏՈՐԱԳՐԵԼ ԵՆ ԲԱՔՎԻ ՀՌՉԱԿԱԳԻՐԸ
Ադրբեջանի, Թուրքիայի և Պակիստանի խորհրդարանական պատվիրակությունների եռակողմ հանդիպման արդյունքներով ստորագրվել է Բաքվի հռչակագիրը:«Բաքվի հռչակագիրն իր ավանդը կներդնի տարածաշրջանում անվտանգության ապահովման գործում»:
Այս մասին հայտարարել է Թուրքիայի Ազգային Մեծ Ժողովի նախագահ Մուստաֆա Շենթոփը:
«Ուրախ եմ, որ այսօր հանդիպումը տեղի է ունենում Բաքվում: Կարծում եմ, որ այս ձևաչափով հանդիպումների անցկացումը կնպաստի երեք եղբայրական երկրների հարաբերությունների հետագա զարգացմանը», - ասել է Շենթոփը:
Պակիստանի Ազգային ժողովի նախագահ Ասադ Քայսերն էլ հայտարարել է, որ «Ադրբեջանի, Պակիստանի և Թուրքիայի խորհրդարանների միջև համագործակցության եռակողմ ձևաչափի հաստատումը կարևոր ներդրում կունենա եղբայրական երկրների հարաբերությունների զարգացման գործում»: