ՖՐԱՆՍԻԱԿԱՆ YOUTUBE ԱԼԻՔԸ ՄԱՆԻՊՈՒԼՅԱՏԻՎ ՆՅՈՒԹԵՐ Է ՏԱՐԱԾՈՒՄ ԱԴՐԲԵՋԱՆԻ ՄԱՍԻՆ
Մամուլի և հեռարձակման խորհուրդը ֆրանսիական YouTube ալիքի պնդումը, թե Գեդաբեյի շրջանի Սոյուդլու գյուղի և շրջակա գյուղերի բնակիչները վտարվելու են ոսկու արդյունահանման նպատակով, անվանել է ֆեյք և հասարակական կարծիքը մանիպուլյացիայի ենթարկելու փորձ։Այս մասին ասվում է Խորհրդի հայտարարության մեջ։ Գերատեսչությունում նշել են, որ տվյալ յութուբյան ալիքը մասնագիտանում է Ադրբեջանի դեմ համակարգված ապատեղեկատվություն տարածելու մեջ։ Այս ալիքը նախկինում համակարգված կերպով տարածել է ապատեղեկատվություն և մանիպուլյատիվ նյութեր մեր երկրի մասին։
Այս կապակցությամբ պաշտոնական դիմում է ուղարկվել համապատասխան հարթակին։ Մենք վստահ ենք, որ ընկերությունը անհապաղ կքննարկի այն և կձեռնարկի անհրաժեշտ միջոցներ՝ իր հարթակներում նման ապատեղեկատվության տարածումը կանխելու համար։
Ադրբեջանի Մամուլի և հեռարձակման խորհուրդը կոչ է անում հանրությանը չտրվել ասեկոսների ազդեցությանը, իսկ լրատվամիջոցներին և սոցցանցերի օգտատերերին՝ ստուգել տարածվող տեղեկատվության ճշգրտությունը՝ հիմնվելով համապատասխան պետական մարմինների պաշտոնական տեղեկատվության վրա և զերծ մնալ չհաստատված պնդումների տարածումից», - ասվում է հայտարարության մեջ։

