ԱԴՐԲԵՋԱՆԻ ՆԱԽԱԳԱՀ ԻԼՀԱՄ ԱԼԻԵՎ. ՆԱԽՉԸՎԱՆԻ ՌԱԶՄԱԿԱՆ ՆԵՐՈՒԺԸ ՕՐԵՑՕՐ ԱՃՈՒՄ Է՝ ԱՅՍ ՈՒՂՂՈՒԹՅԱՄԲ ՄԵԾ ԱՇԽԱՏԱՆՔ Է ԿԱՏԱՐՎԵԼ
Նախչըվանի ռազմական ներուժը օրեցօր աճում է: Այս մասին հայտարարել է նախագահ Իլհամ Ալիևը «Ադրբեջան» հեռուստաընկերությանը տված հայտարարությանը: «Այս ուղղությամբ մեծ աշխատանք է կատարվել, և այսօրվա դրոշի հանձնման արարողությունը կրկին ցույց տվեց Նախչըվանի ռազմական հզորությունը՝ ինչպես նրա հագեցվածությունը գերժամանակակից ռազմական տեխնիկայով, այնպես էլ Կոմանդո նոր ուժերի ստեղծումը: Սա այն պատկերն է, որը մենք վերջին շրջանում տեսնում ենք Ադրբեջանի զինված ուժերում»», - ասել է նախագահը։Պետության ղեկավարը նաև հիշեցրել է, որ ինքը հրաման է տվել Նախչըվանում Առանձին համազորային բանակի ստեղծման մասին. «Այս բանակը, իհարկե, Ադրբեջանի Զինված ուժերի անբաժանելի մասն է։ Սակայն Նախչըվանի առանձնահատկությունները և աշխարհագրությունը, ինչպես նաև Ադրբեջանի հիմնական մասի հետ աշխարհագրական կապի բացակայությունը, բնականաբար, պահանջել են ավելի մեծ ուշադրություն դարձնել այս տարածաշրջանի՝ Նախչըվանի Ինքնավար Հանրապետության անվտանգությանը, և սա մնում է անփոփոխ։ Հետևաբար, սա առաջին պայմանն է։ Ինչպես այսօր նշեցի, Ադրբեջանի զինված ուժերը մեծ քաշ ունեն տարածաշրջանում։ Նախչըվանի ռազմական ներուժը ամրապնդվում է և կշարունակի ամրապնդվել», - ընդգծել է Իլհամ Ալիևը։