ԷՐԴՈՂԱՆ. ԱԴՐԲԵՋԱՆԸ ՄՈԲԻԼԻԶԱՑՐԵԼ Է ՋԱՆՔԵՐԸ ՂԱՐԱԲԱՂԻ ՅՈՒՐԱՔԱՆՉՅՈՒՐ ԱՆԿՅՈՒՆԻ ԶԱՐԳԱՑՄԱՆ ՀԱՄԱՐ
Ադրբեջանի առաջնորդ Իլհամ Ալիևը մոբիլիզացրել է ջանքերը Ղարաբաղի յուրաքանչյուր անկյունի զարգացման և բարգավաճման համար։Այս մասին լրագրողներին հայտարարել է Թուրքիայի նախագահ Ռեջեփ Թայիփ Էրդողանը նախարարների կաբինետի նիստից հետո։
Էրդողանը գոհունակությամբ հիշել է Պակիստանի վարչապետ Շահբազ Շարիֆի հետ Ադրբեջան կատարած իր վերջին այցը, որի ընթացքում մասնակցել է Լաչինի միջազգային օդանավակայանի բացմանը և մայիսի 28-ի՝ Անկախության օրվա առթիվ տոնական միջոցառումներին։
«Մենք այս օրը միասին նշեցինք՝ երեք երկրների եղբայրության ոգով։ Հատկապես կցանկանայի նշել, որ Ադրբեջանի առաջնորդ, իմ սիրելի եղբոր՝ Իլհամ Ալիևի ջանքերի շնորհիվ, զարգացման և բարգավաճման ջանքեր են մոբիլիզացվել Ղարաբաղի յուրաքանչյուր անկյունում, որը դիմացել է 30 տարվա օկուպացիային։ Կառուցվում են ճանապարհներ, կամուրջներ, թունելներ, բնակավայրեր, գյուղատնտեսական հողեր։ Ղարաբաղը արագորեն ապաքինվում է օկուպացիայի վերքերից», - ասել է Էրդողանը։