ԶԱԽԱՐՈՎԱ. ԵՐԵՎԱՆՈՒՄ ՉԵՆ ԳԻՏԱԿՑՈՒՄ ՏԱՐԱԾԱՇՐՋԱՆՈՒՄ ՖՐԱՆՍԻԱԿԱՆ ՌԱԶՄԱԿԱՆ ՆԵՐԿԱՅՈՒԹՅԱՆ ԸՆԴԼԱՅՆՄԱՆ ՌԻՍԿԵՐԸ
«Երևանում՝ թեքվելով դեպի Ֆրանսիան և ռազմատեխնիկական համագործակցություն ծավալելով Փարիզի հետ, չեն գիտակցում ոչ իրենց այսպես կոչված հովանավորների իրական մտադրությունները, ոչ էլ տարածաշրջանում ֆրանսիական ռազմական ներկայության ընդլայնման ռիսկերը», - Մոսկվայում հայտարարել է Ռուսաստանի ԱԳՆ խոսնակ Մարիա Զախարովան։«Միամիտ է կարծել, թե Ֆրանսիան պատրաստ է կամ ի վիճակի է ապահովել Հայաստանի անվտանգությունը։ Եթե Ֆրանսիան ի վիճակի լիներ դա անել, կաներ այն տարածաշրջանում, որտեղ պայմանագրային պարտավորություններ էր ստանձնել և դրա համար գումար էր ստանում՝ Աֆրիկյան մայրցամաքում», - ասել է Զախարովան։