ԱՐԵՎՄՏՅԱՆ ԱԴՐԲԵՋԱՆՑԻՆԵՐԸ ԴԱՏԱՊԱՐՏԵԼ ԵՆ THE WASHINGTON POST-Ի ՍԱԴՐԻՉ ՀՈԴՎԱԾԸ
«Մենք խստորեն դատապարտում ենք The Washington Post-ի սադրիչ հոդվածը, որը խեղաթյուրում է Ղարաբաղի վերաբերյալ իրողությունները։ Այլևս ոչ ոքի չի զարմացնում այն փաստը, որ հեղինակ հայ հովանավորների կողմից վճարված Դեյվիդ Իգնատիուսը անընդհատ հակաադրբեջանական հոդվածներ է գրում»։Այս մասին ասված է Արևմտյան Ադրբեջանի համայնքի հայտարարության մեջ։ «Դավիթ Իգնատիուսը, ով խոսք անգամ չի ասում Ղարաբաղի ադրբեջանցի բնակչության դեմ Հայաստանի վայրագությունների, մեր նյութամշակութային հուշարձանների ոչնչացման, բնիկների հայրենի հողերից արտաքսվելու և նրանց վերադարձի իրավունքի մասին, մտահոգված է միայն ղարաբաղցի հայերի իրավունքներով: Սա ցույց է տալիս, թե որքան հեռու է նա պրոֆեսիոնալ լրագրությունից և ապացուցում է իր երեսպաշտությունն ու կեղծավորությունը։
Կուզենայինք այդ «լրագրողին» ևս մեկ անգամ հիշեցնել, որ հենց ադրբեջանական կողմն է ենթարկվել անարդարության, ադրբեջանական տարածքներն են օկուպացվել, և հենց ադրբեջանցիներն են բռնի կերպով վտարվել հայրենի հողերից։ Արևմտյան ադրբեջանցիների խաղաղ վերադարձի իրավունքն անհերքելի է, և այս հարցը պետք է լուսաբանվի միջազգային լրատվամիջոցների կողմից», - ասվում է հայտարարության մեջ։