ԹԲԻԼԻՍԻՆ ԿՈՂՄ Է ԵՐԵՎԱՆԻ ԵՎ ԲԱՔՎԻ ՄԻՋԵՎ ԽԱՂԱՂՈՒԹՅԱՆ ՊԱՅՄԱՆԱԳՐԻ ՍՏՈՐԱԳՐՄԱՆԸ
Վրաստանի խորհրդարանի նախագահ Շալվա Պապուաշվիլին Ադրբեջանի Միլլի Մեջլիսի ղեկավար Սահիբա Գաֆարովայի հետ հանդիպմանը հայտարարել է, որ Թբիլիսին կողմ է Երևանի և Բաքվի միջև խաղաղության պայմանագրի ստորագրմանը։Գաֆարովան իր հերթին հայտարարել է, որ այդ փաստաթղթի ստորագրման համար «որևէ խոչընդոտ չկա»:
«Այսօր Ադրբեջանի և Հայաստանի միջև խաղաղության համաձայնագրի ստորագրման համար որևէ խոչընդոտ չկա։ Ադրբեջանը պատրաստ է խաղաղության, և մենք հավատում ենք, որ շուտով խաղաղության պայմանագիր կստորագրվի», - ասել է Ադրբեջանի օրենսդիր մարմնի ղեկավարը: