ԱԴՐԲԵՋԱՆԸ ՇԱՀԱԳՐԳՌՎԱԾ Է ՀԱՅԱՍՏԱՆԻ ՀԵՏ ԽԱՂԱՂՈՒԹՅԱՆ ՀԱՍՏԱՏՄԱՄԲ․ՋԵՅՀՈՒՆ ԲԱՅՐԱՄՈՎ
Ադրբեջանը շահագրգռված է Հայաստանի հետ խաղաղության հաստատմամբ՝ տարածքային ամբողջականության և ինքնիշխանության շրջանակներում, ըստ ադրբեջանական Azertac պետական գործակալության՝ երեկ ասել է Ադրբեջանի արտգործնախարար Ջեյհուն Բայրամովը՝ Անգլիկան եկեղեցու հոգևոր առաջնորդ, Քենթրբերիի արքեպիսկոպոս Ջասթին Ուելբիի հետ հանդիպման ժամանակ։«Հուսով ենք, տարածաշրջանում հիմնական սպառնալիք հանդիսացող հայկական անօրինական զինված ուժերի ներկայության դադարեցումը կծառայի տարածաշրջանի խաղաղությանն ու կայունությանը», - ասել է Բայրամովը։
Նա Ջասթին Ուելբիի է ներկայացրել նաև հայ բնակիչների վերաինտեգրման ուղղությամբ ինտենսիվ աշխատանքները։