ՀԻՔՄԵԹ ՀԱՋԻԵՎ. ԱԴՐԲԵՋԱՆԸ ԹՈՒՅԼ ՉԻ ՏԱ ԻՐ ՏԱՐԱԾՔՈՒՄ ՈՐԵՎԷ ԳՈՐՇ ԳՈՏՈՒ ԱՌԿԱՅՈՒԹՅՈՒՆ
«Ադրբեջանը թույլ չի տա իր տարածքում որևէ գորշ գոտու առկայություն»:Այս մասին լրագրողներին ասել է Ադրբեջանի նախագահի օգնական, նախագահի աշխատակազմի արտաքին քաղաքականության վարչության ղեկավար Հիքմեթ Հաջիևը։
Նրա խոսքով՝ Հայաստանը, առանց Ադրբեջանի հետ համաձայնեցնելու, պոպուլիզմի նպատակով բեռնատարներ է քշել դեպի ադրբեջանական սահման՝ Լաչինի սահմանակետ:
«Եվ որպես այս դրամատիկական թատրոնի ներկայացման բաղկացուցիչ մաս, նախօրեին որոշ կոռումպացված եվրոպացի քաղաքական գործիչներ, որոնք գտնվում են հայկական լոբբիի ազդեցության տակ, նույնպես ժամանել են ադրբեջանական սահման։ Նման քայլերն իմաստ չունեն։ Նման ցուցադրական քայլերի փոխարեն պետք է տեղում լուծել իրական հարցեր: Ադրբեջանը թույլ չի տա իր տարածքում որևէ գորշ գոտու առկայություն»։