ՆԱԽԱԳԱՀ ԻԼՀԱՄ ԱԼԻԵՎ. ՄԵՆՔ ԿՈՂՄ ԵՆՔ ՀԱՆԴԵՍ ԳԱԼԻՍ ԱՆՎՏԱՆԳՈՒԹՅԱՆ ԽՈՐՀՐԴԻ ԿԱԶՄԻ ԸՆԴԼԱՅՆՄԱՆԸ, ՈՐՊԵՍԶԻ ԱՅՆ ԴԱՌՆԱ ԱՎԵԼԻ ՆԵՐԿԱՅԱՑՈՒՑՉԱԿԱՆ ԵՎ ԱՇԽԱՐՀԱԳՐՈՐԵՆ ԱՐԴԱՐ - ՏԵՍԱՆՅՈՒԹ
Ներկայումս միջազգային կազմակերպությունները, մասնավորապես՝ ՄԱԿ-ը, չեն արդարացնում մարդկության սպասելիքները։ ՄԱԿ-ն անխուսափելիորեն պետք է լուրջ բարեփոխումներ կատարի:Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Բաքվում՝ «Չմիավորման շարժում. միասնական և անսասան դիմակայել առաջացող մարտահրավերներին» թեմայով Չմիավորման շարժման համակարգող բյուրոյի նախարարական նիստում:
Նշելով, որ ՄԱԿ-ի Անվտանգության խորհուրդը հանդիսանում է անցյալի մնացուկ և չի արտացոլում ներկա իրականությունը, պետության ղեկավարն ասել է. «Մենք կողմ ենք հանդես գալիս Անվտանգության խորհրդի կազմի ընդլայնմանը, որպեսզի այն դառնա ավելի ներկայացուցչական և աշխարհագրորեն արդար։ Ուրախ եմ, որ այսօր աշխարհում աճող կոնսենսուս կա այս հարցում»։
Ընդգծելով, որ ՄԱԿ-ի Անվտանգության խորհրդում մեկ մշտական տեղ պետք է տրվի Չմիավորման շարժմանը, նախագահը հավելել է. «Մենք կարծում ենք, որ Չմիավորման շարժման, Իսլամական համագործակցության կազմակերպության և Աֆրիկյան միության նախագահի պաշտոն զբաղեցնող երկրները պետք է ունենան իրենց տեղերը ՄԱԿ-ի Անվտանգության խորհրդում՝ ռոտացիոն սկզբունքով, վետոյի իրավունքով»: