«ՄԻԱՍՆՈՒԹՅԱՆ ՈՒԺԸ - 2026». ԱԴՐԲԵՋԱՆԸ, ԹՈՒՐՔԻԱՆ ԵՎ ՈՒԶԲԵԿՍՏԱՆԸ ՀԱՄԱՏԵՂ ԳՈՐԾՈՂՈՒԹՅՈՒՆՆԵՐ ԵՆ ԱՆՑԿԱՑՐԵԼ
Ադրբեջանի, Թուրքիայի և Ուզբեկստանի զինվորականները հրամանատարական և շտաբային վարժանքներ են անցկացրել «Միասնության ուժը - 2026» համատեղ զորավարժության շրջանակներում։Ըստ Ադրբեջանի պաշտպանության նախարարության՝ մասնակիցները վարժանքներ են կատարել շտաբային գործողությունների, հրամանատարների կողմից որոշումների կայացման և ստորաբաժանումների կառավարման վերաբերյալ։ Վարժանքների ընթացքում շտաբները տեղակայվել են որոշակի տարածքներում, կազմակերպվել են նրանց գործողությունները և քողարկումը։
Վարժանքների որոշակի դրվագներ տեղի են ունեցել Խոջավենդի շրջանի Գիզիլգայա վարժական կենտրոններում և Նախչըվանի Ինքնավար Հանրապետության Ղարաբաղլար վարժական կենտրոնում, ինչպես նաև Կասպից ծովի ադրբեջանական հատվածի Բոյուկ-Զիրա վարժական պոլիգոնում։
Հրամանատարները գնահատել են իրավիճակը, վերլուծել դրա փոփոխությունները և որոշումներ կայացրել՝ համաձայն տրված առաջադրանքների։ Վարժանքը կենտրոնացած է եղել երեք երկրների զինվորականների փոխգործակցության վրա՝ առաջադրանքների համատեղ կատարման գործում։