ԱԴՐԲԵՋԱՆԻ ԱՐՏԳՈՐԾՆԱԽԱՐԱՐ ՋԵՅՀՈՒՆ ԲԱՅՐԱՄՈՎԸ ՔՆՆԱՐԿԵԼ Է ՄԵՐՁԱՎՈՐ ԱՐԵՎԵԼՔՈՒՄ ՍՏԵՂԾՎԱԾ ԻՐԱՎԻՃԱԿԸ ԻՐ ՍԱՈՒԴՅԱՆ ԳՈՐԾԸՆԿԵՐՈՋ՝ ՖԱՅՍԱԼ ԲԻՆ ՖԱՐՀԱՆ ԱԼ ՍԱՈՒԴԻ ՀԵՏ
Սաուդյան Արաբիայի արտաքին գործերի նախարար, արքայազն Ֆեյսալ բին Ֆարհան ալ Սաուդը զանգահարել է Ադրբեջանի արտաքին գործերի նախարար Ջեյհուն Բայրամովին։Կողմերը քննարկել են Մերձավոր Արևելքում առկա անվտանգության իրավիճակը։ Մտահոգություն է հայտնվել տարածաշրջանում լարվածության աճի և հետագա սրումը կանխելու կարևորության վերաբերյալ։
Այս համատեքստում ընդգծվել է տարածաշրջանի երկրների ինքնիշխանությունն ու տարածքային ամբողջականությունը հարգելու անհրաժեշտությունը, ինչպես նաև հարևան երկրների վրա հարձակումների անթույլատրելիությունը։
Հեռախոսազրույցի ընթացքում քննարկվել են նաև տարածաշրջանային և միջազգային այլ հրատապ հարցեր, Ադրբեջանի և Սաուդյան Արաբիայի միջև համագործակցության ներկայիս վիճակը և դրա զարգացման հեռանկարները։