ԴԵՍՊԱՆ. ՈՒԿՐԱԻՆԱՆ ԳՆԱՀԱՏՈՒՄ Է ԱԴՐԲԵՋԱՆԻ ԱՆԿԵՂԾ ԱՋԱԿՑՈՒԹՅՈՒՆԸ ԵՎ ՀԱՄԵՐԱՇԽՈՒԹՅՈՒՆԸ
Վերջին երկու տարիների ընթացքում Ուկրաինայի և Ադրբեջանի միջև երկկողմանի կապերը զգալի զարգացում են ապրել քաղաքական, տնտեսական և մարդասիրական ոլորտներում։Այս մասին Facebook-ում գրել է Ադրբեջանում Ուկրաինայի դեսպան Յուրի Գուսևը։
«Երկու տարի առաջ Ուկրաինայի նախագահ Վլադիմիր Զելենսկին ինձ նշանակեց դեսպան Ադրբեջանում... Ես կցանկանայի խորը երախտագիտություն հայտնել բոլոր նրանց, ովքեր ամեն օր աշխատում են ուկրաինա-ադրբեջանական ռազմավարական գործընկերության ամրապնդման ուղղությամբ։
Դեռևս վաղ է ամփոփել ամեն ինչ, բայց այս երկու տարիների ընթացքում մենք միասին շատ բան ենք արել՝ քաղաքական երկխոսության, տնտեսական համագործակցության, մարդասիրական նախաձեռնությունների և սոցիալական շփումների ոլորտում։ Անկեղծ աջակցությունն ու համերաշխությունը հատկապես արժեքավոր են Ուկրաինայի համար այս ամենադժվարին ժամանակահատվածում», - ասվում է գրառման մեջ։
Դիվանագետը նաև շնորհակալություն է հայտնել իր ադրբեջանցի գործընկերներին և ուկրաինական համայնքին երկու ժողովուրդների միջև բարեկամական կապերի ամրապնդման գործում ունեցած ներդրման համար։