ԱՅՀԱՆ ՀԱՋԻԶԱԴԵՆ ՀԵՐՔԵԼ Է ՖՐԱՆՍԻԱՅԻ ԱՐՏԳՈՐԾՆԱԽԱՐԱՐԻ ՀԱՅՏԱՐԱՐՈՒԹՏՈՒՆԸ
Ադրբեջանը հերքել է Ֆրանսիայի արտգործնախարար Ժան Նոել Բարոնի հայտարարութտունը առ այն, որ Բաքուն իբր փորձում է ապակայունացնել քաղաքական կյանքը Նոր Կալեդոնիայում:Ադրբեջանի արտաքին գործերի նախարարության մամուլի քարտուղար Այհան Հաջիզադեն հայտարարել է, որ սա փորձ է՝ կոծկելու սեփական անգործությունը Նոր Կալեդոնիայի բնակչության պահանջների դեմ։
Նա շեշտել է, որ Բաքվի նախաձեռնող խումբը ձգտում է հանրությանը հասցնել «Ֆրանսիայի գաղութային քաղաքականությունը և նրա խնդիրները անդրծովյան տարածքներում»:
Նոր Կալեդոնիան 1853 թվականին է դարձել ֆրանսիական գաղութ, 1946 թվականին ստացել է Ֆրանսիայի անդրծովյան տարածքի կարգավիճակ։ 1998 թվականի համաձայնագրով Նոր Կալեդոնիային տրվել են ավելի մեծ ինքնավարություն և անկախության երեք հանրաքվե անցկացնելու իրավունք։