ԱԴՐԲԵՋԱՆԸ ԵՎ ՀԱՅԱՍՏԱՆԸ ՍԱՀՄԱՆԱԶԱՏՈՒՄԸ ԿՍԿՍԵՆ ՀՅՈՒՍԻՍԱՅԻՆ ՀԱՏՎԱԾԻՑ՝ ԱԴՐԲԵՋԱՆԻ, ՀՀ-Ի ԵՎ ՎՐԱՍՏԱՆԻ ՍԱՀՄԱՆՆԵՐԻ ՀԱՏՄԱՆ ԿԵՏԻՑ

2025թ. հունվարի 16-ին Ադրբեջանի Հանրապետության և Հայաստանի Հանրապետության սահմանին տեղի է ունեցել Ադրբեջանի և Հայաստանի միջև պետական սահմանի սահմանազատման և սահմանային անվտանգության հարցերով հանձնաժողովի և Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի տասնմեկերորդ հանդիպումը՝ Ադրբեջանի Հանրապետության փոխվարչապետ Շահին Մուստաֆաևի և Հայաստանի Հանրապետության փոխվարչապետ Մհեր Գրիգորյանի նախագահությամբ:
Հանդիպման ընթացքում Կողմերը շարունակել են մտքերի փոխանակությունը սահմանազատման աշխատանքների հետագա իրականացման համար սահմանագծի հատվածների/հատվածամասերի հերթականության հարցի շուրջ և համաձայնության են եկել սկսել պետական սահմանի սահմանազատման համալիր աշխատանքները հյուսիսային հատվածից՝ Ադրբեջանի, ՀՀ-ի և Վրաստանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Ադրբեջանի և Հայաստանի սահմանը Իրանի հետ:
Կողմերը քննարկել են սահմանազատման աշխատանքների իրականացման կարգի վերաբերյալ համապատասխան ուղեցույցների նախագծերը:
Կողմերը պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվն ու վայրը:


Читайте также

Оставить комментарий