ՄՈԴԵՍՏ ԿՈԼԵՐՈՎ. ՀԱՅԱՍՏԱՆՆ ԱՅԼԵՎՍ ՈՉ ՄԻ ՀԵՏԱՔՐՔՐՈՒԹՅՈՒՆ ՉԻ ՆԵՐԿԱՅԱՑՆՈՒՄ ՌՈՒՍԱՍՏԱՆԻ ՀԱՄԱՐ
«Ռուսական 102-րդ ռազմաբազայի դուրս բերումը Հայաստանից անխուսափելի է, և այն դուրս է բերվելու Փաշինյանի օրոք. Ես բացարձակապես կասկած չունեմ։ «Կարծում եմ նաև, որ Հենց Հայաստանն է հանդես գալու ռազմաբազայի դուրսբերման նախաձեռնությամբ»։Այս մասին հայկական ԶԼՄ-ների հետ զրույցում ասել է ռուսաստանցի քաղաքագետ Մոդեստ Կոլերովը։
«Ռազմաբազայի գոյությունը վաղուց դադարել է։ Բացի այդ, ռազմաբազայի առկայությունը ոչ մի ռազմական իմաստ չունի, քանի որ այդ ռազմաբազան, Հայաստանում առկա պայմաններում, ամբողջությամբ սահմանափակված է իր գործունեությամբ ոչ միայն Հայաստանի կենտրոնական, այլև Գյումրի իշխանությունների կողմից։ Վաղուց հայտնի է, որ անգամ գումարտակային զորավարժությունների դեպքում, այսինքն՝ ընդամենը 300 հոգով, պետք է ստանալ Գյումրու քաղաքապետարանի համաձայնությունը։ Սարքավորումները, ենթակառուցվածքները, աջակցությունը կամ մատակարարումները, ռեժիմը, որով այսօր գործում է Գյումրիում ռուսական բազան, վաղուց հնացել են և չեն թարմացվել։ Հիմնական խնդիրն այն է, որ ես կարող եմ հնացած տվյալներ ունենալ՝ 5-6 հազար մարդ, ովքեր աշխատում են բազայում, ՀՀ քաղաքացիներ են։ Նրանց համար սա աշխատանք է, ռազմակայանի դուրսբերումը կտրուկ կբարձրացնի գործազրկությունը Գյումրիում»,- նշել է Կոլերովը։
Այսինքն, նրա կարծիքով, Հայաստանն այլեւս ոչ մի հետաքրքրություն չի ներկայացնում Ռուսաստանի համար։ «Այո, չի ներկայացնում և 2008 թվականից շատ ժամանակ է անցել»,- հավելել է ռուս քաղաքագետը։