ԱԴՐԲԵՋԱՆԻ ԱԳՆ ՀԱՅՏԱՐԱՐՈՒԹՅՈՒՆ Է ՏԱՐԱԾԵԼ ԽՈՋԱԼՈՒԻ ՑԵՂԱՍՊԱՆՈՒԹՅԱՆ ՏԱՐԵԼԻՑԻ ԿԱՊԱԿՑՈՒԹՅԱՄԲ
Ադրբեջանի արտաքին գործերի նախարարությունը հայտարարություն է տարածել Խոջալուի ցեղասպանության 34-րդ տարելիցի կապակցությամբ։ Փաստաթղթում, մասնավորապես, ասվում է.«Խոջալուի ցեղասպանությունը Հայաստանի կողմից Ադրբեջանի դեմ իրականացված օկուպացիոն և ցեղասպանական քաղաքականության ամենաարյունալի ողբերգություններից մեկն է։
Այս կոտորածները պարզապես ռազմական գործողություն չէին, այլ էթնիկ ատելության և խտրականության քաղաքականության մի մաս։ Ադրբեջանի այլ բնակավայրերում, ինչպիսիք են Բաղանիս Այրիմը, Ջամիլլին, Քարքիջահանը, Մեշալին, Մալիբեյլին, Գարադաղլին, Թուղը, Սալաքեթինը և այլն, Հայաստանի կողմից իրականացված նպատակային սպանությունները հստակ ցույց են տալիս Խոջալուի ցեղասպանության համակարգված և պլանավորված բնույթը։
Խոջալուի ցեղասպանության նպատակային բնույթի վերաբերյալ առկա ապացույցները, այդ թվում՝ ցեղասպանության կազմակերպիչներից մեկի՝ Հայաստանի նախկին պաշտպանության նախարարի և հետագայում պետության ղեկավար Սերժ Սարգսյանի խոստովանությունները, վկայում են, որ այս ողբերգությունը միտումնավոր քաղաքականության մաս էր կազմում։
Այսօր կյանքը վերադառնում է Խոջալու և օկուպացիայից ազատագրված մյուս տարածքներ։ Մեր պետությունը և մեր ժողովուրդը չեն մոռանում ցեղասպանության զոհերին՝ հավերժացնելով նրանց հիշատակը։
Խոջալուի ցեղասպանության 34-րդ տարելիցին մենք կրկին խորը հարգանքով հարգում ենք այս ողբերգության անմեղ զոհերի օրհնյալ հիշատակը։