«ԵՍ ՀԱՎԱՏՈՒՄ ԵՄ, ՈՐ ՀԱՄԱՁԱՅՆԱԳՐԻ ՈՒԺԻ ՄԵՋ ՄՏՆԵԼՈՎ, ԿՈՎԿԱՍԻ ՀԱՄԱՐ ՆՈՐ ԷՋ ԿԲԱՑՎԻ»․ ԷՐԴՈՂԱՆ
Չափազանց կարևոր եմ համարում ինչպես Իլհամ Ալիևի կողմից խաղաղության ուղղությամբ ձեռնարկված համարձակ քայլերը, այնպես էլ Նիկոլ Փաշինյանի ցուցաբերված վճռական կամքը։Այս մասին հայտարարել է Թուրքիայի նախագահ Էրդողանը։
Էրդողանը շնորհավորել է Իլհամ Ալիևին և Նիկոլ Փաշինյանին «Մարդկային եղբայրության համար Զայեդ» մրցանակի կապակցությամբ։
«Ես կցանկանայի հատկապես ընդգծել, որ չափազանց կարևոր եմ համարում ինչպես եղբորս՝ Իլհամ Ալիևի կողմից երկարատև խաղաղություն հաստատելու ուղղությամբ ձեռնարկված համարձակ քայլերը, այնպես էլ Նիկոլ Փաշինյանի կողմից ցուցաբերված վճռական կամքը։
Ես հավատում եմ, որ համաձայնագրի ուժի մեջ մտնելով, որի նպատակներն ու ձևաչափը համաձայնեցված են երկու կողմերի միջև, Կովկասի համար նոր էջ կբացվի։
Թուրքիան անկեղծորեն աջակցում է տարածաշրջանում և ամբողջ աշխարհում անվտանգությանը, խաղաղությանը, բարգավաճմանը և կայունությանը ուղղված բոլոր նախաձեռնություններին»։