ԻԼՀԱՄ ԱԼԻԵՎ. «ԵՐԵԿՎԱ ՌԱԶՄԱԿԱՆ ՍԱԴՐԱՆՔԸ ՀԱՅԱՍՏԱՆԻՆ ԿԵՂՏՈՏ ՔԱՂԱՔԱԿԱՆՈՒԹՅԱՆ ԵՎՍ ՄԵԿ ԴՐՍԵՎՈՐՈՒՄՆ Է»
Ադրբեջանի նախագահ Իլհամ Ալիևն հայտարարել է, որ պաշտոնական Բաքուն չի նահանջի՝ Լեռնային Ղարաբաղի հարցում իր սկզբունքային դիրքորոշումից:
«Ադրբեջանը ոչ մի քայլ չի նահանջի իր սկզբունքային դիրքորոշումից: Ինչպես գիտեք, Հայաստանի ներքին իրավիճակը հասել է ճգնաժամային նիշի, ներքին բախումները լայն տարածում են ստացել, միևնույն ժամանակ, միջազգային ասպարեզում Ադրբեջանի հաջողությունները շատ են անհանգստացնում նրանց և նախանձի զգացում են առաջացնում», - երկուշաբթի Ադրբեջանի Անվտանգության խորհրդի նիստում ասել է նախագահ Ալիևը:
Պետության ղեկավարի խոսքով, հակամարտությունում Հայաստանի դիրքերին մեծ հարված է հասցվել:
«Ամբողջ աշխարհը Լեռնային Ղարաբաղը ճանաչում է որպես Ադրբեջանի անբաժանելի մաս: Միևնույն ժամանակ, ինքնահռչակ «Լեռնային Ղարաբաղի Հանրապետությունում» անցկացված վերջին ընտրությունները ոչ միայն չեն չճանաչվել ոչ մեկի կողմից, այլև դատապարտվել է այս հարցով զբաղվող առաջատար միջազգային կազմակերպությունների և երկրների կողմից: Այսպիսով, կրկին աջակցություն է ցուցաբերվել՝ երկրի տարածքային ամբողջականությունը ճանաչելու հարցում և այն, որ Լեռնային Ղարաբաղը հանդիսանում է Ադրբեջանի անբաժանելի մասը», - ասել է Ալիևը:
«Դրա համար էլ, Հայաստանի ներկայիս ներքաղաքական ճգնաժամային իրավիճակը նրանց ստիպել է գնալ նման զզվելի քայլի (սահմանին հարձակում ադրբեջանական դիրքերի վրա) Մյուս կողմից, ոչ ոքի համար գաղտնիք չէ, որ Հայաստանը վաղուց է փորձում կարծիք ձևավորել, որ իբր Ադրբեջանը հարձակվում էր Հայաստանի տարածքի վրա: Այս ամենը սուտ է: Հայաստանն է իրականացնում բոլոր գրոհները, և որպես դրա վկայություն են հանդիսանում բազմաթիվ փաստաթղթերը, տեսանյութերը և լուսանկարային փաստերը», - նշել է նախագահը:
«Ադրբեջանն իր հերթին տալիս է համարժեք պատասխան: Եթե Հայաստանը իր տարածքից կրակի է ենթարկում ադրբեջանական դիրքերը, ադրբեջանական գյուղերը, բնականաբար, մենք դրան պատշաճ կերպով կարձագանքենք և արձագանքում ենք: Դրա համար էլ Հայաստանը օգտագործում է բոլոր հնարավորությունները, կեղծ տեղեկություններ է տարածում և անում է հնարավոր ամեն ինչ՝ պետական սահմանին հատուկ ուշադրություն գրավելու համար: Երեկվա ռազմական սադրանքը այս կեղտոտ քաղաքականության ևս մեկ դրսևորումն է», - ասել է ԻլհամԱլիևը: