ԻԼՀԱՄ ԱԼԻԵՎՆ ԸՆԴԳԾԵԼ Է TRIPP ՆԱԽԱԳԾԻ ՆՇԱՆԱԿՈՒԹՅՈՒՆԸ, ՈՐԻՆ ՀԱՅԱՍՏԱՆԸ ՊԱՐՏԱՎՈՐՎԵԼ Է ՄԱՍՆԱԿՑԵԼ ՎԱՇԻՆԳՏՈՆՈՒՄ՝ ՆՇԵԼՈՎ ԴՐԱ ԿԱՐԵՎՈՐ ԴԵՐԸ ՏԱՐԱԾԱՇՐՋԱՆԱՅԻՆ ՀԱՄԱԳՈՐԾԱԿՑՈՒԹՅԱՆ ՄԵՋ ԵՎ ԴՐԱ ՕԳՈՒՏՆԵՐԸ ԱՄԲՈՂՋ ՏԱՐԱԾԱՇՐՋԱՆԻ ՀԱՄԱՐ
Հոկտեմբերի 15-ին Ադրբեջանի Հանրապետության նախագահ Իլհամ Ալիևն ընդունել է՝ ԵԱՀԿ գործող նախագահ և Ֆինլանդիայի արտաքին գործերի նախարար Էլինա Վալտոնենի գլխավորած պատվիրակությանը։Զրույցի ընթացքում գոհունակությամբ նշվել են՝ Ադրբեջանի և Ֆինլանդիայի նախագահների հանդիպումները, ինչպես նաև Ֆինլանդիայի բարձր մակարդակի մասնակցությունը՝ Բաքվում կայացած COP29 միջոցառմանը։
Էլինա Վալտոնենը շնորհավորել է Իլհամ Ալիևին՝ Վաշինգտոնում Ադրբեջանի և Հայաստանի կողմից ձեռք բերված հաջողությունների համար, նշել է դրանց նշանակությունը՝ տարածաշրջանային համագործակցության և ԵԱՀԿ տարածքում խաղաղության ու կայունության վերականգնման համար։
Հյուրը հայտարարել է, որ Ադրբեջանի և Հայաստանի դիմումի հիման վրա, ԵԱՀԿ Մինսկի գործընթացը և դրան առնչվող կառույցները կլուծարվեն մինչև այս տարվա դեկտեմբերի 1-ը։
Իլհամ Ալիևը ընդգծել է, որ ԱՄՆ նախագահ Դոնալդ Թրամփի վկայությամբ Վաշինգտոնում Ադրբեջանի և Հայաստանի միջև ձեռք բերված համաձայնությունները ստեղծել են խաղաղության օրակարգի առաջխաղացման պայմաններ։
Նա նաև ընդգծել է TRIPP նախագծի նշանակությունը, որին Հայաստանը պարտավորվել է մասնակցել Վաշինգտոնում՝ ընդգծելով դրա կարևոր դերը տարածաշրջանային համագործակցության մեջ և դրա օգուտները ամբողջ տարածաշրջանի համար։