ԲԱՆԱԿՑՈՒԹՅՈՒՆՆԵՐԻ ՌՈՒՍԱԿԱՆ ՀԱՐԹԱԿՆ ԸՆԴՈՒՆԵԼԻ Է ԲԱՔՎԻ ՀԱՄԱՐ. ԲԱՅՐԱՄՈՎ
Բանակցությունների ռուսական հարթակն ընդունելի է Բաքվի համար, հայտարարել է Ադրբեջանի արտգործնախարար Ջեյհուն Բայրամովը ռուսաստանյան «Իզվեստիա» պարբերականի հետ զրույցում՝ պատասխանելով լրագրողի հարցին, թե որքանո՞վ է ուժեղ Ռուսաստանի դերը հակամարտությունների կարգավորման գործում և ի՞նչ է ակնկալում Բաքուն Մոսկվայից։Բայրամովն ի պատասխան նշել է Պուտինի դերը 2020 թվականի 44-օրյա պատերազմից հետո ձեռք բերված պայմանավորվածություններում, հիշեցրել հետպատերազմական ժամանակահատվածում Ռուսաստանի մասնակցությամբ բազմաթիվ հայ - ադրբեջանական հանդիպումների մասին։
«․․․ բանակցային գործընթացի անցկացման ձևաչափը․ մենք բաց ենք դրա համար։ Այդ նպատակով մենք օգտագործում ենք ուղիղ երկկողմ ձևաչափ Ադրբեջանի և Հայաստանի միջև։ Մենք երբեք չենք հրաժարվել նաև տարբեր հարթակներից: Ռուսաստանի Դաշնության հարթակը մեզ համար միշտ ընդունելի է եղել, և բնականաբար այսուհետ ևս մենք պատրաստ են օգտագործել տվյալ հարթակը», - ասել է Բայրամովը՝ նշելով, որ վերջին շրջանում Երևանն է անհամաձայնություն հայտնել այդ հարթակին: