ՍԵՐԳԵՅ ԼԱՎՐՈՎԸ ՓԵՏՐՎԱՐԻ 27-ԻՆ ԿԱՅՑԵԼԻ ԲԱՔՈՒ

Ռուսաստանի Դաշնության արտաքին գործերի նախարար Սերգեյ Լավրովը փետրվարի 27-28-ը կայցելի Բաքու, որտեղ կհանդիպի Ադրբեջանի ղեկավարների հետ: Այդ մասին փետրվարի 22-ին հայտնել է ՌԴ ԱԳՆ խոսնակ Մարիա Զախարովան:
Ռուսաստանի Դաշնության և Ադրբեջանի Հանրապետության նախագահներ Վլադիմիր Պուտինը և Իլհամ Ալիևը 2022 թվականի փետրվարի 22-ին Մոսկվայում կնքել են երկու երկրների միջև դաշնակցային փոխգործակցության մասին հռչակագիր:
Զախարովան օրեր առաջ ասել է, որ այդ փաստաթուղթը մեծ նշանակություն ունի տարածաշրջանում և միջազգային ասպարեզում կայունության ապահովման համար:
Նա հայտնել է, որ հռչակագրի ստորագրման առաջին տարեդարձի կապակցությամբ նախատեսվում են մի շարք միջոցառումներ:


Читайте также

Оставить комментарий