ՀՈՒԼՈՒՍԻ ԱՔԱՐ. ԱԴՐԲԵՋԱՆԱԿԱՆ ՏԱՐԱԾՔՆԵՐԻ ԱԶԱՏՈՒՄԸ ՀԱՐԱՎԱՅԻՆ ԿՈՎԿԱՍԻ ԽԱՂԱՂՈՒԹՅԱՆ ԵՎ ՀԱՄԱՐ ՊԱՏՄԱԿԱՆ ՊԱՏՈՒՀԱՆ Է ԲԱՑԵԼ
Թուրքիայի պաշտպանության նախարար Հուլուսի Աքարի գլխավորած պատվիրակությունը հոկտեմբերի 4-ին այցելել է Ադրբեջան։ Պատվիրակության կազմում են Թուրքիայի զինված ուժերի գլխավոր շտաբի պետը, ցամաքային զորքերի, ռազմա-օդային, ռազմա-ծովային ուժերի հրամանատարները և բարձրաստիճան այլ զինվորականներ։Թուրքիայի և Ադրբեջանի պաշտպանության նախարարները առանձնազրույց են ունեցել, տեղի է ունեցել նաև պատվիրակությունների ընդլայնված կազմով հանդիպումը։
Թուրքիայի պաշտպանության նախարարն ասել է, որ, ադրբեջանական տարածքների ազատումը Հարավային Կովկասի խաղաղության և կայունության համար պատմական հնարավորության պատուհան է բացել։
Թուրքիայի բանակի ղեկավարների այցը հաջորդում է Իսրայելի պաշտպանության նախարարի Ադրբեջան կատարած այցին։