Հայկական բանակ. զինվորների ծեծն ու նվաստացումը
«Կիսամերկ մի սադիստ, ըստ երեւույթին` «սպա», ամենագարշելի ձեւով ստորացնում է զինվորական հագուստով երկու պատանիների` քաշելով նրանց ականջները եւ ապտակելով նրանց.... Ընդհանրապես, եթե ուզում եք իմանալ, այս տեսանյութն արտացոլում է էությունն իշխանության, որը ստիպում է երեւանցի զինակոչիկներին ծառայել Ղարաբաղում:
Որեւէ անակնկալ այս տեսանյութում չկա: Դա պիտի լիներ եւ կլինի այնքան ժամանակ, որքան Հայաստանի իշխանությունները ոտնահարում են մարդու իրավունքները: Կարեւոր չէ` այդ երեւույթները բանակում են տեղի ունենում, թե ոչ: Նույնը կատարվում է նաեւ ոստիկանությունում եւ ցանկացած ուժային կառույցում: Դա Հայաստանի պետության համար շատ սովորական նկար է, եւ արտառոց բան չկա, քանի դեռ պետությունը նման քաղաքականություն է որդեգրել մարդու իրավունքների նկատմամբ: