ՍՏԱՄԲՈՒԼՈՒՄ ԿԱՅԱՑԵԼ Է ԱԴՐԲԵՋԱՆԻ ԵՎ ՀԱՅԱՍՏԱՆԻ ԱՐՏԳՈՐԾՆԱԽԱՐԱՐՆԵՐԻ ԲԱՆԱԿՑՈՒԹՅՈՒՆՆԵՐԸ. ԿՈՂՄԵՐԸ ՊԱՅՄԱՆԱՎՈՐՎԵԼ ԵՆ ԱՎԵԼԻ ՇԱՏ ՋԱՆՔԵՐ ԳՈՐԾԱԴՐԵԼ ՀՆԱՐԱՎՈՐԻՆՍ ՇՈՒՏ ԽԱՂԱՂՈՒԹՅԱՆ ՀԱՍՆԵԼՈՒ ՀԱՄԱՐ
Ադրբեջանի և Հայաստանի արտգործնախարարները Ստամբուլում պայմանավորվել են ավելի մեծ ջանքեր գործադրել հնարավորինս շուտ խաղաղության համաձայնագրի կնքման համար։Այս մասին ասված է Ստամբուլում նախարարներ Ջեյհուն Բայրամովի և Արարատ Միրզոյանի միջև կայացած բանակցություններից հետո Ադրբեջանի ԱԳՆ հայտարարության մեջ։
«Կողմերը շարունակել են «Խաղաղության և միջպետական հարաբերությունների հաստատման մասին» պայմանագրի շուրջ բանակցությունները և պայմանավորվել են շարունակել ջանքերը պայմանագրի վերջնականացման և սեղմ ժամկետներում կնքման ուղղությամբ: Կողմերը գնահատել են Թուրքիայի հյուրընկալությունը»,- ասվում է հայտարարության մեջ։