ԵՐԿԱՐԱՁՎԵԼ Է ԱՐԱՅԻԿ ՀԱՐՈՒԹՅՈՒՆՅԱՆԻ, ԱՐԿԱԴԻ ՂՈՒԿԱՍՅԱՆԻ և ՄՅՈՒՍ ԱՆՋԱՏՈՂԱԿԱՆՆԵՐԻ ԿԱԼԱՆՔԻ ԺԱՄԿԵՏԸ
Բաքուն երկարաձգել է անջատողականներ՝ Արկադի Ղուկասյանի, Բակո Սահակյանի, Արայիկ Հարությունյանի, Դավիթ Իշխանյանի, Դավիթ Մանուկյանը, Դավիթ Բաբայանի և մյուսների կալանքի ժամկետը։Դատախազությունից հայտնել են, որ ընդհանուր առմամբ 14 անձի նկատմամբ քրեական գործ է հարուցվել Ադրբեջանի քրեական օրենսգրքի տարբեր հոդվածներով, և նրանց նկատմամբ խափանման միջոց կալանքի ժամկետը երկարաձգվել է։
Բաքուն անջատողականներին ծանր մեղադրանքներ է առաջադրել՝ ահաբեկչությունից մինչև ապօրինի զինված խմբավորումների կազմավորում։ Եթե դատարանն այդ մեղադրանքները հաստատի, նրանց մինչև ցմահ ազատազրկում է սպառնում։
Հոկտեմբերի սկզբին հաղորդվեց, որ նոր մեղադրանք է առաջադրվել՝ պատմամշակութային հուշարձանների ոչնչացում։ Հարուցված քրեական գործի նախաքննությունն ավարտվել է, նյութերը, սակայն, դեռ դատարան չեն ուղարկվել։
«Հիմա քրեական գործի նյութերին ծանոթանալու փուլն է: Դա բավականին շատ ժամանակ է պահանջում, քանի որ տուժողները շատ են։ Մեղադրանքները բավականին լուրջ են՝ դրանք անջատողականության, մեր պատմամշակութային հուշարձանների ոչնչացման մեղադրանքներ են», - ասել է Ադրբեջանի գլխավոր դատախազ Քամրան Ալիևը։