ԻԼՀԱՄ ԱԼԻԵՎ. ԱՅՍՕՐ ԱԴՐԲԵՋԱՆԻ ՀԱՆՐԱՊԵՏՈՒԹՅՈՒՆԸ ԵԶԱԿԻ ՏԱՐԱԾՈՒԹՅՈՒՆ Է, ՈՐՏԵՂ ԱՌԿԱ Է ՓՈԽԱԴԱՐՁ ՀԱՐԳԱՆՔԻ ԵՎ ՎՍՏԱՀՈՒԹՅԱՆ ՄԹՆՈԼՈՐՏ ՏԱՐԲԵՐ ԿՐՈՆՆԵՐԻ և ՀԱՎԱՏՔՆԵՐԻ ՄԻՋԵՎ
Ադրբեջանի նախագահ Իլհամ Ալիևը շնորհավորել է երկրի ուղղափառ համայնքին Սուրբ Զատիկի տոնի առթիվ։Շնորհավորական ուղերձում ասվում է.
«Պետականության հնագույն պատմություն ունեցող Ադրբեջանում տարբեր ժողովուրդների և կրոնների ներկայացուցիչները հարյուրավոր տարիներ ապրում են խաղաղության և հանգստության պայմաններում՝ առանց որևէ խտրականության պահպանելով իրենց լեզուն և մշակույթը, էթնոմշակութային ինքնությունը:
Մեր ժողովրդի հանդուրժողականության հարուստ ավանդույթների և մուլտիկուլտուրալ արժեքների քարոզումն ու խրախուսումը հանդիսանում են մեր երկրում իրականացվող պետական քաղաքականության առաջնահերթ ուղղություններից։
Այսօր Ադրբեջանի Հանրապետությունը եզակի տարածություն է, որտեղ առկա է փոխադարձ հարգանքի և վստահության մթնոլորտ տարբեր կրոնների և հավատքների միջև, ժողովրդավարական համակեցության սկզբունքներ և այն կարևոր ներդրում ունի աշխարհում միջքաղաքակրթական հարաբերությունների զարգացման գործում։
Մեր հասարակությունում բոլորը, անկախ լեզվից, կրոնից, ազգային պատկանելությունից, ունեն մշակութային ինքնաարտահայտման հավասար հնարավորություններ։ Ողջունելի է, որ մեր երկրի բոլոր էթնիկ և կրոնական փոքրամասնությունները, ներառյալ մեր քրիստոնյա քաղաքացիները, ակտիվորեն մասնակցում են հասարակական և քաղաքական կյանքի բոլոր ոլորտներին և պատվով կատարում իրենց քաղաքացիական պարտքը՝ հանուն Ադրբեջանի առաջընթացի և բարգավաճման»։