ԱԴՐԲԵՋԱՆԻ ԱԳՆ. ՏԱՐԱԾԱՇՐՋԱՆՈՒՄ ԻՐԱՎԻՃԱԿԻ ՍՐՄԱՆ ՊԱՏԱՍԽԱՆԱՏՎՈՒԹՅՈՒՆԸ ԿՐՈՒՄ Է ՀԱՅԱՍՏԱՆԻ ՌԱԶՄԱՔԱՂԱՔԱԿԱՆ ՂԵԿԱՎԱՐՈՒԹՅՈՒՆԸ
Ինչպես ավելի վաղ հայտնել էր Ադրբեջանի ՊՆ-ն, օգոստոսի 16-ին Հայաստանի զինված ուժերի հետախուզադիվերսիոն խումբը դիվերսիոն-ահաբեկչական գործողություններ իրականացնելու նպատակով փորձել է ներթափանցել Ադրբեջանի տարածք, սակայն Հայաստանի հերթական սադրանքը կանխվել է, դիվերսիոն խմբի մեկ անդամ ձերբակալվել է:Այն փաստը, որ Հայաստանը շարունակում է իր ռազմական սադրանքները տարածաշրջանում ստեղծված իրավիճակի վերաբերյալ ՄԱԿ-ի Անվտանգության խորհրդի նիստի օրը, մենք դիտարկում ենք որպես նրա մանիպուլյացիայի քաղաքականության ևս մեկ տարր և խստորեն դատապարտում այն։
Այս մասին ասված է Ադրբեջանի ԱԳՆ հայտարարության մեջ։
«Մենք կոչ ենք անում Հայաստանին զերծ մնալ տարածաշրջանում իրավիճակը սրող սադրիչ քայլերից և հայտարարություններից, Ադրբեջանի ներքին գործերին միջամտելուց, կատարել իր պարտավորությունները և դադարեցնել միջազգային հանրությանը մոլորեցնելու փորձերը։ Տարածաշրջանում իրավիճակի սրման անմիջական պատասխանատվությունն ընկնում է Հայաստանի ռազմաքաղաքական ղեկավարության վրա», - ասված է հայտարարության մեջ։