ԻԼՀԱՄ ԱԼԻԵՎ. ՄԵՆՔ ԿԱՐԾՈՒՄ ԵՆՔ, ՈՐ ԽԱՂԱՂՈՒԹՅԱՆ ՀԱՄԱՁԱՅՆԱԳՐԻ ՍՏՈՐԱԳՐՈՒՄՆ ԱՆԽՈՒՍԱՓԵԼԻ Է, ԵՎ ՄԵՐ ԿՈՂՄԻՑ ՁԳՏՈՒՄ ԵՆՔ ԿԱՌՈՒՑՈՂԱԿԱՆ ՋԱՆՔԵՐ ԳՈՐԾԱԴՐԵԼ ԱՅԴ ՆՊԱՏԱԿԻՆ ՀԱՍՆԵԼՈՒ ՀԱՄԱՐ

Այսօր մենք մտքերի լայն փոխանակություն ունեցանք նաև տարածաշրջանային խնդիրների շուրջ։ Ես Լիտվայի նախագահին տեղեկացրեցի Ադրբեջանի և Հայաստանի միջև խաղաղ բանակցությունների մասին։ Մենք հուսով ենք, որ խաղաղ բանակցություններն ի վերջո տևական խաղաղություն կբերի Կովկասին:
Այս մասին մայիսի 22-ին Վիլնյուսում Լիտվայի նախագահ Գիտանաս Նաուսեդայի հետ մամուլի ասուլիսում հայտարարել է Ադրբեջանի նախագահ Իլհամ Ալիևը:
Հիշեցնելով, որ ադրբեջանական հողերը մոտ 30 տարի օկուպացման տակ են գտնվել, պետության ղեկավարն ընդգծել է. «Օկուպացիայի հետևանքով 1 միլիոն ադրբեջանցիներ վտարվել են իրենց հարազատ հողերից, մեր հողերի շուրջ 20 տոկոսը գտնվել են օկուպացիայի տակ:
Օկուպանտները ոչնչացրել են, կարելի է ասել, ամբողջ ենթակառուցվածքը, շինությունները, այդ թվում՝ պատմական հուշարձանները։ Մենք կարծում ենք, որ խաղաղության համաձայնագրի ստորագրումն անխուսափելի է, և մեր կողմից ձգտում ենք կառուցողական ջանքեր գործադրել այդ նպատակին հասնելու համար։ Բնականաբար, այս խաղաղության համաձայնագիրը պետք է համապատասխանի միջազգային նորմերին ու սկզբունքներին», - հայտարարել է Իլհամ Ալիևը:


Читайте также

Оставить комментарий