ԱԳՆ. ՄԵՆՔ ԽՍՏՈՐԵՆ ԴԱՏԱՊԱՐՏՈՒՄ ԵՆՔ՝ «ՆԵՄԵՍԻՍ» ԱՀԱԲԵԿՉԱԿԱՆ ԳՈՐԾՈՂՈՒԹՅԱՆԸ ՆՎԻՐՎԱԾ ՀՈՒՇԱՐՁԱՆԻ ԲԱՑՈՒՄԸ
«Մենք խստորեն դատապարտում ենք՝ ապրիլի 25-ին Երևանում «Նեմեսիս» ահաբեկչական գործողությանը նվիրված հուշարձանի բացումը։Այս մասին ասված է Ադրբեջանի ԱԳՆ հայտարարության մեջ։ «Հայաստանի պետական մարմինների թույլտվությամբ և հավանությամբ այս հուշարձանի ստեղծումը, ինչպես նաև փոխքաղաքապետի և Հայաստանի իշխող կուսակցության անդամ այլ պաշտոնյաների բացման արարողությանը մասնակցելը խոսում է՝ ողջ պատմության ընթացքում Հայաստանի կողմից իրականացված ահաբեկչության քաղաքականության խրախուսման և ահաբեկչական գործողությունների քարոզչության մասին։ Պետք է միանշանակ վճռական պայքար մղվի՝ հայկական ահաբեկչության, ռասայական խտրականության բոլոր ձևերի և դրսևորումների դեմ»,- ասված է հայտարարության մեջ։