ՍԱՀԻԲԱ ԳԱՖԱՐՈՎԱ. «ԵՎՐՈՊԱՑԻ ԴԻՏՈՐԴՆԵՐԸ ԿԱՐՈՂ ԵՆ ԽԱՆԳԱՐԵԼ ԿԱՐԳԱՎՈՐՄԱՆԸ»
«Եվրոպայից դիտորդների առաքելություն հայ-ադրբեջանական սահման ուղարկելը կարող է խանգարել կարգավորման գործընթացին», - այսօր Միլի մեջլիսի նիստում հայտարարել է Ադրբեջանի խորհրդարանի խոսնակ Սահիբա Գաֆարովան։Նա նշել է, որ իր այս դիրքորոշումը Հայաստանում Ադրբեջանի հետ սահմանին Եվրամիության դիտորդական առաքելության տեղակայման առնչությամբ Ռուսաստանում կայացած հանդիպումների ժամանակ ևս հայտնել է:
Շաբաթասկզբին Մոսկվայում Գաֆարովայի հետ հանդիպման ժամանակ Ռուսաստանի Պետդումայի խոսնակ Վյաչեսլավ Վոլոդինը պնդել էր, որ «Եվրախորհրդարանի և ԵԽԽՎ ներգրավումը ղարաբաղյան հակամարտության լուծմանը նոր խնդիրներ կստեղծի»: