Կանադայի կառավարությունը չի ճանաչում Լեռնային Ղարաբաղի ինքնիշխանությունը
Կանադայի ԱԳՆ-ն խորհուրդ չի տալիս իր քաղաքացիներին այցելել Լեռնային Ղարաբաղ և նրան հարակից տարածքներ:
Այս մասին ասված է Կանադայի արտաքին գործերի նախարարության պաշտոնական կայքում զետեղված հաղորդագրության մեջ:
«Հայաստանի հետ Ադրբեջանի պետական սահմանը մնում է որպես փակ զինվորական գոտի` Լեռնային Ղարաբաղի հակամարտության չկարգավորվածության պատճառով: Չնայած 1994 թվականից հրադադարի ռեժիմի առկայությանը` զինված բախումները շարունակվում են», - ասված է հաղորդագրության մեջ:
Կանադայի ԱԳՆ-ն նաև ընդգծում է բազում ականապատված տարածքների առկայությունը հակամարտության գոտում:
Տեղեկատվության մեջ նաև նշված է, որ Կանադան չի ճանաչում Լեռնային Ղարաբաղի ռեժիմի անկախությունը:
«Կանադայի կառավարությունը չի ճանաչում Լեռնային Ղարաբաղի ինքնիշխանությունը, դրա համար էլ նրա հնարավարությունները խիստ սահմանափակ են` այդ տարածքներում հայտնված կանադացիներին հյուպատոսական օգնություն տրամադրելու հարցում:
Կանադացիները, ովքեր ճանապարհորդում են անձնագրով, որի մեջ դրված է Լեռնային Ղարաբաղի կնիքը, կարող են լուրջ խնդիրներ ունենալ Ադրբեջանի պետական սահմանում և այդ երկիր մուտք գործելու մերժում ստանալ», - ասված է հաղորդագրության մեջ:
Հիշեցնենք, որ Ֆրանսիայի, Գերմանիայի, Մեծ Բրիտանիայի, Իսպանիայի, Հունգարիայի, Իտալիայի արտաքին քաղաքական գերատեսչությունները իրենց քաղաքացիներին հորդորում են չայցելել Հայաստանի զինված ուժերի օկուպացման տակ գտնվող ադրբեջանական տարածքներ: