ԱՐՏԱՍԱՀՄԱՆՅԱՆ ՔԱՂԱՔԱՑԻՆԵՐԻ ՏԱՐՀԱՆՈՒՄԸ ԻՐԱՆԻՑ ԱԴՐԲԵՋԱՆ ՇԱՐՈՒՆԱԿՎՈՒՄ Է
Աստարայի սահմանային անցակետով Իրանից Ադրբեջան արտասահմանյան քաղաքացիների տարհանումը շարունակվում է։Իրանի դեմ ԱՄՆ-ի և Իսրայելի ռազմական գործողության սկսվելուց ի վեր ադրբեջանական սահմանով տարհանվել է ավելի քան 700 մարդ։
Երեքշաբթի՝ մարտի 3-ին, ժամը 19:00-ից մինչև 22:00-ն, Աստարայի պետական սահմանային անցակետով Իրանից Ադրբեջան է տարհանվել 171 մարդ։
Այդ թվում՝ Ադրբեջանի վեց քաղաքացի, Չինաստանի 21 քաղաքացի, Օմանի ութ քաղաքացի, Նիգերիայի չորս քաղաքացի, Ճապոնիայի երկու քաղաքացի, Ռուսաստանի 117 քաղաքացի, Բելառուսի վեց քաղաքացի և Ղազախստանի մեկ քաղաքացի։
Ռուսաստանի քաղաքացիները ավտոբուսներով տեղափոխվել են Լենքորանի միջազգային օդանավակայան։
Այնտեղից նրանք տուն կվերադառնան ռուսական կողմից կազմակերպված հատուկ չվերթով։