Актуальные новости - IREVAN - Informational Analytical Center

ԴԻՎԱՆԱԳԻՏԱԿԱՆ ԿՈՐՊՈՒՍԻ ՆԵՐԿԱՅԱՑՈՒՑԻՉՆԵՐԸ ԱՅՍՕՐ ԿԱՅՑԵԼԵՆ ԱՂԴԵՐԵ ԵՎ ՔԵԼԲԱՋԱՐ

admin — Sat, 12 Sep 2026 10:47:24 +0300

Ադրբեջանում հավատարմագրված օտարերկրյա դիվանագիտական կորպուսի ներկայացուցիչները այսօր կայցելեն Աղդերե և Քելբաջար՝ Ղարաբաղ և Արևելյան Զանգեզուր կատարած այցի շրջանակներում։
Այս մասին գրել է Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը X սոցիալական ցանցում։
«Դիվանագիտական կորպուսի ներկայացուցիչների հետ Շուշա և Խանքենդի կատարած մեր այցի առաջին օրը։ Հիմա մենք ուղևորվում ենք Աղդերե և Քելբաջար», - ասվում է տեսանյութին կից գրառման մեջ։

ՀՀ-Ն ԿԱՐՈՂ Է ՌԴ ՌԱԶՄԱԲԱԶԱՅԻ ՄՆԱԼՈՒ ՎԱՐՁԱՎՃԱՐԸ ԲԱՐՁՐԱՑՆԵԼ

admin — Sat, 12 Sep 2026 10:10:33 +0300

ԱԺ պաշտպանության և անվտանգության հարցերի մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Վիլեն Գաբրիելյանը Factor TV-ի հետ զրույցում անդրադարձել է ռուսական 102-րդ ռազմաբազայի դուրսբերման հնարավորությանը։
Այն հարցին, թե արդյոք ՔՊ իշխանությունը խնդիր չի տեսնում ռուսական ռազմաբազայի դուրսբերման մեջ և Հայաստանն անվտանգային խնդիր չունի Թուրքիայի հետ, Վիլեն Գաբրիելյանը պատասխանել է. «<…> Ռազմաբազայի դուրսբերումը բացասաբար չի ազդի Հայաստանի անվտանգության վրա, քանի որ այն չի կատարել իր պարտավորությունները»։
Ի պատասխան հարցին, թե չի բացառվում, որ Հայաստանը Ռուսաստանին դիմի բազան հանելու պահանջով, Գաբրիելյանը նշել է. «Կարծում եմ, որևիցե բան բացառված չի ապագայում։ Դա երկու պետությունների փոխհարաբերությունների շրջանակում ևս մեր իրավունքի մեջ է մտնում, որովհետև ըստ պայմանագրի՝ ռազմաբազան կարող է Հայաստանի Հանրապետությունից դուրս բերվի կողմերից մեկի պահանջով»։
Անդրադառնալով վարչապետի այն ակնարկին, որ գազի թանկացման դեպքում Հայաստանը ևս կարող է «թանկացնել» որոշ բաներ, Գաբրիելյանը հաստատել է, որ դա կարող է վերաբերել նաև ռազմաբազայի վարձավճարի բարձրացմանը. «Ինչո՞ւ ոչ։ Այո՛։ Իմ անձնական տեսակետը նաև դա է»։

ԱԴՐԲԵՋԱՆԻ ԵՎ ՀՈՐԴԱՆԱՆԻ ՄԻՋԵՎ ՎԻԶԱՅԻՆ ՌԵԺԻՄԸ ԿՎԵՐԱՑՎԻ

admin — Fri, 11 Sep 2026 10:19:49 +0300

Ադրբեջանի և Հորդանանի միջև վիզային ռեժիմը կվերացվի։
Համապատասխան օրինագիծը ներառվել է Միլլի Մեջլիսի միջազգային և միջխորհրդարանական հարաբերությունների հանձնաժողովի սեպտեմբերի 14-ին կայանալիք նիստի օրակարգում։
Համաձայնագիրը նախատեսում է Ադրբեջանի և Հորդանանի միջև սովորական անձնագրերի տերերի համար վիզայի փոխադարձ ազատում։

ՀԱՅԱՍՏԱՆՆ ԱԴՐԲԵՋԱՆԻՑ ՆԵՐՄՈՒԾԵԼ Է ՄՈՏ 18 ՄԼՆ ԴՈԼԱՐԻ ՎԱՌԵԼԻՔ

admin — Fri, 11 Sep 2026 10:08:07 +0300

2026 թվականի առաջին կիսամյակում Հայաստանն Ադրբեջանից ներմուծել է մոտ 18 մլն դոլարի ապրանք։
Հայաստանի մաքսային ծառայության տվյալներով՝ ներկրվել է 17.8 մլն դոլարի նավթամթերք (բենզին և դիզելային վառելիք) ու 109 հազար դոլարի պլաստմասսայե շինարարական դետալներ։
Հայաստան ներմուծված ադրբեջանական վառելիքը քննարկման մեծ առիթ դարձավ 2025-ի դեկտեմբերին, երբ սկսվեցին ներկրումները։
Իշխանություններն այն համարեցին ձեռքբերում Հայաստանի տնտեսության ու խաղաղության համար, իսկ ընդդիմախոսները՝ «թշնամու ջրաղացին ջուր լցնել»։

• Բենզինի շուկայի խոշոր խաղացողները. որքան վառելիք է մտնում Հայաստան և որտեղից
Սկզբում հայտնի էր միայն բենզինի ներկրման մասին, հետագայում հայտարարվեց, որ դիզելային վառելիք ևս ներմուծվում է։
Օրերս էլ ադրբեջանական լրատվամիջոցները «ազդարարեցին», որ Ադրբեջանից Հայաստան է ուղարկվել 16 վագոն՝ 977 տոննա դիզելային վառելիք։
Փորձենք հասկանալ, թե ներկրումների մեկնարկից կես տարի անց ինչ կշիռ ունի ադրբեջանական նավթամթերքը հայկական շուկայում։

Առաջին կիսամյակում Հայաստան ներմուծված նավթամթերքի ամենախոշոր մատակարարները Թուրքիան ու Ռուսաստանն են
Մաքսային ծառայության բաց բազայում առկա են «նավթամթերք» խոշորացված ապրանքախմբի տվյալները, որում հիմնական մասն են կազմում բենզինը, դիզելային և ավիացիոն վառելիքը, իսկ ավելի փոքր մասը՝ մազութը, նավթն ու քսայուղերը։
Ընդհանուր առմամբ՝ 2026 թվականի առաջին կիսամյակում Հայաստան է ներմուծվել 299 մլն դոլարի նավթամթերք։ Ստացվում է, որ Ադրբեջանի մասնաբաժինն այս ներմուծման մեջ 6% է։
2025 թվականի առաջին կիսամյակի համեմատ Հայաստան ներմուծված նավթամթերքի ընդհանուր ծավալն աճել է մոտ 30%-ով։
Այս տարվա առաջին կիսամյակում Թուրքիան դարձել է ամենախոշոր մատակարարը՝ 20% մասնաբաժնով՝ գերազանցելով Ռուսաստանին։ Թուրքիայից նավթամթերքի ներկրումը կտրուկ աճել է․ ներմուծվել է մոտ 61 մլն դոլարի ապրանք, ինչը նախորդ տարվա նույն ժամանակահատվածի համեմատ ավելի է 3.5 անգամ։
Դրան զուգահեռ կտրուկ նվազել են Ռուսաստանից ներմուծման ծավալներն ու այդ երկրի կշիռը։ Առաջին կիսամյակում Ռուսաստանից ներկրվել է մոտ 58 մլն դոլարի նավթամթերք, իսկ ՌԴ մասնաբաժինը 46%-ից կրճատվել է մինչև 19%։
Տեսանելի աճ կա Իրանից և Բուլղարիայից ներմուծման գծով։
Սկզբնաղբյուր՝ Hetq.am

ԱԴՐԲԵՋԱՆՈՒՄ ՀԱՎԱՏԱՐՄԱԳՐՎԱԾ ԴԻՎԱՆԱԳԻՏԱԿԱՆ ԿՈՐՊՈՒՍԻ ՆԵՐԿԱՅԱՑՈՒՑԻՉՆԵՐՆ ԱՅՑԵԼԵԼ ԵՆ ԳԱՐԱԲԱՂ

admin — Fri, 11 Sep 2026 09:41:07 +0300

Ադրբեջանում հավատարմագրված դիվանագիտական կորպուսի ներկայացուցիչներն այսօր երկօրյա այց են սկսել Գարաբաղ և Արևելյան Զանգեզուր։
Ադրբեջանի նախագահի օգնական Հիքմեթ Հաջիևի ուղեկցությամբ այցին մասնակցում է 58 երկիր և 9 միջազգային կազմակերպություն ներկայացնող շուրջ 150 հոգանոց պատվիրակություն։
Դիվանագետներին ներկայացնելու են Խանքենդիում, Շուշայում, Աղդարայում և Քելբաճառի շրջաններում իրականացվող շինարարական ու ենթակառուցվածքային ծրագրերը, ինչպես նաև պատմամշակութային հուշարձանների ներկայիս վիճակն ու դրանց պահպանության ուղղությամբ տարվող աշխատանքները։

ԱԱ-Ի ՎԵՐԱԴԱՐՁԻ ՀԵՏ ԿԱՊՎԱԾ ՀԱՐՑԵՐԸ ԴԱՌՆՈՒՄ ԵՆ ՔՆՆԱՐԿՄԱՆ ԹԵՄԱՆԵՐ ՄԻՋԱԶԳԱՅԻՆ ՀԱՐԹԱԿՆԵՐՈՒՄ

emil — Wed, 09 Jul 2025 08:29:33 +0300

«Զանգեզուրի միջանցքի» և «արևմտյան ադրբեջանցիների» վերադարձի հետ կապված հարցերը դառնում են քննարկման թեմաներ միջազգային հարթակներում:
Այս մասին խորհրդարանի նստաշրջանի լիագումար նիստում հայտարարել է Ադրբեջանի Միլլի Մեջլիսի պատգամավոր Թահիր Միրկիշիլին:
«Այն ժամանակ, երբ հյուսիսում և հարավում պատերազմներ են բռնկվում, Խանքենդիից հնչող ձայնը մի հարթակից, որտեղ քննարկվում են Ադրբեջանով անցնող Միջին միջանցքի, Զանգեզուրի միջանցքի, արևմտյան ադրբեջանցիների՝ իրենց հայրենիք վերադարձի հարցերը, դարձավ բաց ուղերձ ամբողջ աշխարհին»,-ասել է պատգամավորը:

ՀԱՅ - ԱԴՐԲԵՋԱՆԱԿԱՆ ՍԱՀՄԱՆԱԶԱՏՄԱՆ ԿԱՆՈՆԱԿԱՐԳԸ ՄՏԱՎ ՈՒԺԻ ՄԵՋ

emil — Sun, 03 Nov 2024 11:20:06 +0300

Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովներն նոյեմբեր 01-ին փոխանակել են սահմանազատման կանոնակարգի ուժի մեջ մտնելու համար անհրաժեշտ ներպետական ընթացակարգերի իրականացման մասին ծանուցումները:
«Հաշվի առնելով, որ Կանոնակարգի 7-րդ հոդվածով նախատեսվում է, որ այն ուժի մեջ է մտնում այդպիսի ընթացակարգերն ավարտելու մասին վերջին գրավոր ծանուցումը ստանալու օրը՝ Կողմերը արձանագրել են, որ նշված Կանոնակարգն ուժի մեջ է մտնում 2024 թվականի նոյեմբերի 1-ին», - ասված է պաշտոնական հաղորդագրությունում:
Կողմերը մտքեր են փոխանակել սահմանազատման աշխատանքների հետագա իրականացման համար սահմանագծի հատվածների/հատվածամասերի հերթականության հարցի շուրջ:
Հանձնաժողովների հանդիպման ավարտից հետո Գրիգորյանը և Մուստաֆաևն առանձին քննարկել են տրանսպորտային հաղորդակցություններին վերաբերող հարցեր, ասված է հաղորդագրությունում:

ԱՅՍՕՐ ԹԵՀՐԱՆՈՒՄ ՏԵՂԻ ԿՈՒՆԵՆԱ «3+3» ՁԵՎԱՉԱՓՈՎ ՀԱՆԴԻՊՈՒՄ

emil — Mon, 23 Oct 2023 09:02:54 +0300

Այսօր Թեհրանում տեղի կունենա «3+3» ձևաչափով հանդիպում՝ արտգործնախարարների մակարդակով։
Նշվում է, որ բացի տարածաշրջանային խնդիրներից, հանդիպմանը կքննարկվեն նաև Ադրբեջանի և Հայաստանի միջև խաղաղության բանակցությունները։
Իրանական աղբյուրները ևս հաստատում են կայանալիք հանդիպումը, սակայն մասնակիցների ցանկում չեն նշում Վրաստանը։
Այս ձևաչափով մեկ հանդիպում է կայացել, կրկին առանց վրացական կողմի. Մոսկվայում 2021 թվականի դեկտեմբերին Հայաստանի, Ադրբեջանի, Ռուսաստանի, Թուրքիայի և Իրանի փոխարտգործնախարարները քննարկել էին տարածաշրջանային հարցեր։

PASHA BANK-Ը ՊԼԱՆԱՎՈՐՈՒՄ Է ՄԱՍՆԱՃՅՈՒՂ ԲԱՑԵԼ ՇՈՒՇԱՅՈՒՄ

admin — Fri, 20 Oct 2023 16:15:50 +0300

Ադրբեջանական PASHA Bank-ը պլանավորում է առաջիկայում մասնաճյուղ բացել Շուշայում: Այս մասին հայտարարել է բանկի տնօրեններից Անար Քերիմովը։
«Ներկայումս ընթանում է մասնաճյուղի շինարարությունը, որը նախատեսվում է ավարտել մինչև հաջորդ տարվա ապրիլի վերջ, իսկ բացումը սպասվում է մինչև հաջորդ տարվա վերջ», - ասել է Քերիմովը։
PASHA Bank -ը գործում է 2007 թվականից, 16 տարվա ընթացքում իր ակտիվների քանակով դարձել է Ադրբեջանի առաջատար երեք բանկերից մեկը:

ՖՐԱՆՍԻԱՑԻ ԻՐԱՎԱՊԱՇՏՊԱՆՆԵՐ. ԱԴՐԲԵՋԱՆԸ ՊԵՏՔ Է ՊԱՏԺԻ ԱՆՕՐԻՆԱԿԱՆ ՌԵԺԻՄԻ «ԱՌԱՋՆՈՐԴՆԵՐԻՆ»

admin — Fri, 20 Oct 2023 16:03:55 +0300

«Խղճի ազատության ասոցիացիաների համակարգման միություն» ֆրանսիական իրավապաշտպան կազմակերպությունը հայտարարություն է տարածել Ղարաբաղում 30 տարի շարունակ գոյություն ունեցած ապօրինի ռեժիմի կողմից հայազգի բնակիչների իրավունքների զանգվածային ոտնահարման փաստերը բացահայտելու արշավ սկսելու վերաբերյալ։
Համապատասխան հայտարարությունը զետեղված է կազմակերպության կայքում։
Դրանում ասվում է, որ Ադրբեջանի իշխանությունները պետք է վերականգնեն արդարությունը և պատժեն անօրինական ռեժիմի «առաջնորդներին»՝ հանուն ինչպես Խոջալուի ողբերգության զոհերի, այնպես էլ հայազգի բնակիչների տառապանքների։
«Խաղաղության հասնելու համար անհրաժեշտ է արդարություն և օկուպացիայի տարիներին հայազգի բնակիչների ոտնահարված իրավունքների վերականգնում։ Այս առումով, նախկին դաշտային հրամանատարների դատավարության ընթացքում Ադրբեջանը պետք է ապահովի անօրինական ռեժիմի կողմից Ղարաբաղի հայ բնակչության իրավունքների խախտման դեպքերի բացահայտումը»,- ընդգծվում է հայտարարության մեջ։